اقتباس:
المشاركة الأصلية كتبت بواسطة روح المساء
نصيحة من أختك لاتمشي ولا على أي رجيم لإنه حلول الرجيم مؤقتة وتعود لوزن إضافي عن السابق
شوف أخوي أول شي إنت لازم تكون على قناعة تامة بإنزال وزنك لإنه شيء غير صحي ومضر لك
وغير كذا يكون عندك محفز بالإضافة تمسك نفسك عن الأكل في غير وقته
أولا أنصحك بتقسيم وجبات الطعام على 6 مرات ( قسم وخفف )
اول ماتصحى من النوم إشرب كوب ماء فاتر مع عصرة ليمون لتنقية الجسم من السموم
هو صح الطعم مو شي لكن معليش طالما تبي الصحة تحمل
بعد نص ساعة تقريبا تناول وجبة الإفطار وهي الوجبة المهمة والرئيسية في اليوم
وجبة الإفطار خليها منوعة مابين البروتين زي البيض الشوفان والنواشف والفاكهة القهوة أو الشاي
بعدها بساعتين أو لنقل ب 3 ساعات شعرت بالجوع حضر لنفسك سناك خفيف
مثلا علبة زبادة قليلة الدسم او حبة فاكهة أو كويست بار
وجبة الغداء لما تحط لنفسك بالعادة كم مرة تحط ؟ مرتين أو 3
عود نفسك على أن تقوم من الأكل بدون الشبع حتى الرسول عليه الصلاة والسلام وصانا بما معناه وقال إنه الإنسان ياكل
عشان يقدر يقوم بأعماله مو عشان يترس البطن أكل لحد خلاص مافي ولانفس
إذا إنت تحط ملعقة السكب مرتين خليها مرة وقبل وجبة الأكل بنص ساعة إشرب كوب ماء
الماء مهما عددت فوايده مايكفي وللمعلومية حتى لما تتناوله مع وجبة الأكل لايطلع كرش ولاشي
بالعكس يشعرك بالشبع سريعا ويعمل على إنزال الوزن
بعد الغداء بكم ساعة لو شعرت أيضا بالجوع حضر سناك خفيف سلطة فاكهة او خضرة
وجبة العشا هي المفروض تكون أخف وحدة وقبل النوم بفترة طويلة
إعتمد بطعامك عالمشوي والمسلوق والني بشكل عام
القلي مايجيب غير المرض صدقني ماله أي فائدة
المشروبات الغازية نسبة فائدتها زيروووووو تزيد الوزن ولابفائدة
إمتنع عنها بشكل نهائي
بالنسبة لسناك بعد العشا ممكن تسوي سموذي فاكهة مع الخضار
مثلا تفاحة مع موزة مع شوية سبانخ وبقدونس وبالخلاط ( طبعا تفنن على كيفك أي شي بالثلاجة)
ادري بتقول وش هالتخبيص
بالعكس الطعم جميييل جدا بس إنت عود نفسك عالأشياء الصحية أقتنع بها
انا كثير أسوي سموذي لنفسي وأحيانا أعتبرها وجبة لإنه كميتها كبيرة وتشبع
تبي تاكل شوكولاتة كول لكن بكمية بسيطة وإذا تبي شي صحي اختار الدارك تشوكلت
اللي يقال عنها مرة موجودة بالسوبرماركت
سوي لنفسك شاي أخضر مع الزنجبيل بعد الغدا ب ساعة
طبعا كل الكلام اللي فوق مارح يفيد دون الرياضة
مامارست رياضة لاتتوقع ينزل وزنك
المشي مهم جدااااا لو أتكلم ما أخلص غير فوائد الجسمية له فوائد نفسية
إحسب لنفسك ساعة إلى ساعتين 4 مرات بالأسبوع مو مشي بطيء لاااااا مشي سريع
لما تروح الدوام وهناك تاكل وجبتك شيل معاك من البيت لاتقول أستحي ومددري إيش
ألزم ماعليك صحتك وحضر لنفسك السناك قبل بيوم قطعة فاكهة مثلا مع شوية مكسرات نية
جوز لوز زبيب كاجو يعني المتوفر
بالتوفيق لاتذكرت شيء أكيد بجي أكتبه
|
هذي السالفة يبي لها بعد مساعد عشان يرتب كل هـ الامور
يعني يبي لنا سكرتير للأكل
نفس الكلام
المشكلة في الوقت وضيقه
لكن بعدها ارحم من المشي سبعة كيلو