طيب القلب حبيبتي سرني كلامك جدا
بالنسبة لامهاتنا والله مابعرف
بتعرفي ماما حملت فية بعد اختي الكبيرة بكم شهر كان عمرها 6 شهور ونفس حالتي بدون تخطيط ههههههه
بس مااتدهورت بالشكل الي انا متدهورة فيه من اوجاع فظيعةب الظهر مابعرف ليش رغم انو اكلي جيد وكلو تمام
ولابطني كبير ولا اني عاملة ثقل على ظهري شو السر مابعرف بس يعني ايام التمانينات شو كان اكلهم مو لهدرجة تفرق ولا قصدك بالطفولة تبعتهم ايام زمان؟
والله مابعرف بس انا بشوف الحياة بس تتطور سبل الراحة بتزيد
يوه بس برضو ايام ماما كان في غسالة وتلاجة ومكنسة وكل شي وماما كمان كانت تشتغل وعندها شغالة يعني
في رفاهية بالموضوع ههههههه شو السر مابنعرف
خلص بنات الايام هاي مدلعين زيادة مهو كمان النفسية بتاثر لما تكون الوحدة مدلعة نفسيا وبدها كل شي عمزاجها عاخر طرز وتنظر لقريناتها و للتطور الي صار وبدها وبدها
كمان هادا يخليها نفسية مدلعة بالتالي نفسيا ماتتحمل الجهد ويأثر عالجسد
.
.
.
لفيت ودرت
بس الله اعلم في كل الاحوااااااال هههه بس ماننسا التلوث والاحتباس الحراري و الهرمونات في الاكل و الجو ملوث
و المياه المجهولة المصدر و ايقاع الحياة السريع جدا و قلة البركة في الوقت وهيك امور يمكن بتفرق....... على فكرة مو كل البنات مدلعات والله في بنات نشيطة كتير وتتعب وتقوم وعادي حسب التربية
بس انا بحب الدلع ومالو حملت وولدت وتعبت حقي ادلع

بالنسبة للاكل كنت انا جهزت كم جاجة مقطعة وكم صحن كبدة نيئة عشان اعملها وقت الولادة واعشاب للنفاس والحليب ويعني
بس ياحسرة كان فهد لما ينام شوي اقول في نفسي شو اعمل طيب؟اعمل شوربة دجاج وخضار؟اروح انام؟ارفه عن نفسي بشي بسيط مع زوجي ولو حديث مرح؟
اقطع نفسي؟
فكنت كتير اروح انام واقصر في حق نفسي بالاكل مسكينة غربة وزي المقطوعين والله حرااااااااااام الله يؤجرنا كمان المغتربة غير عن الي جمب اهلها عالاقل يطبخولها وينظفولها مو زي حالاتي بس انا حاولت قدر المستطاع اكل كويس وزوجي كان يجيب اكل من برة مو فاست فوود لا مثلا في مطاعم بتعمل مرقة لحمة ولحمة مسلوقة او رز او دجاج زي هيك يعني في مطاعم اكلها مناسب للوالدة بتعرفي دول الخليج والجزيرة العربية مطاعمهم منوعة مو كلها برجر ولا مكرونة

ومشي الحال

الولادة هاي جهزت هيني 4 دجاجات مقطعة وكل دجاجة مقسمة 2 يعني عندي 8 اكياس خخخخخ اشك اني اكل نصهم
وجهزت كبدة ولحمة مفرومة عشان لعل وعسى اكل منهم وجهزت اعشاب ونفس الشيء
يارب ييسر ويكون الامر اهون هالولادة

سامحيني للاطالة واللف والدوران الي مالو داعي

__________________