اخواني واخواتي
مااقدر اوصف مشاعري لكن الله لا يحرمني منكم
اختي ريما
الله يجزاك خير على دعواتك لي ولزوجتي
بكل بساطه انا مو زوج مثالي لكن اتوقع ان اي رجل بالعالم قدمت له زوجه وفيه ومخلصه وحنونه وطيبه وجعلت منه شيئ يذكر
اني يقدم مثلي واكثر
عشان اوضح الصوره لكم
تزوجنا بالطرق المعروفه لا تعرفنا على بعض ولا سوينا علاقه حب قبل الزواج
زوجتي مااقدر اوصفها هي انسانه رائعه واعني بكلمة رائعه جميع معانيها
تهتم فيني بشكل كبير تسأل عني وعن كل شي في حياتي واي شي متعبني او مضايقني احس فيها ان ودها تقطع قلبها وتعطينيه
القى منها المسه الحنونه مثل الام في حنيتها على اولادها تخاف علي بشكل كبير وهذا يحسسني بحبها لي ارجع من العمل تفتح لي الباب مع ان معي مفتاح بس خلاص تعودت القها عند الباب تحتريني باجمل منظر واحسن رائحه
صرت اتشوق ارجع من العمل بس عشان طلتها علي ترد الروح
دايم تشجعني على التقدم في كل شي في العمل في كل شي حتى في حياتي الشخصيه والي انا فيه الان بفضل الله ثم فضل زوجتي
البيت ادخل واشم احسن الروائح مرتب ماعمري دخلت ولقيت شي حوسه ولا مو نظيف
تحترم اهلي وتقدرهم
ماعمرها ضغطت علي بشي ولا رفعت صوتها علي حتى لو اكون انا غلطان شوفو من تصرفها هذا انا صرت استحي ارفع صوتي عليها
صدقوني مهما اتكلم ماراح اوفيها حقها
بس الي مطمني انها عارفه وش كثر هي غاليه عندي وعارفه قدرها بقلبي
اهم شي ان الانسان يقدر التضحيه
ونا يوم قلت تستاهل ماراح انسى الي سوته معي
اقصد بهذي الكلمه اشياء كثيره
كل ماتذكر مواقفها معي في باديه زواجنا او اول سنتين من زواجنا عرفت وش كثر هي انسانه رائعه
لكن هذا وعد مني
مستحيل انسى موقفها معي لو يطول الزمان