السلام عليكم

تقبل الله منا ومنكم صالح الاعمال

أختي الزوجة هل تزداد عصبية زوجك في رمضان؟
وكيف تواجهينها؟

وأنت أخي الزوج هل عصبيتك في رمضان جاءت من تراكمات بداخلك على زوجتك أم لا؟

بصراحة زوجي الايام الاخيرة زادت عنده العصبية وانا عارفة إنها بسبب السكر وبسبب قلة نومه وذهابه للدوام وعشان كذا قاعدة اطنش .. بس من جد صار الوضع مايطاق

يعني مثلا قبل شوي على الفطور كنا نأكل مكرونة بشاميل .. أكل شوي ووقف .. قلته مااكلت .. قال لا خلاص .. أكلت شوي ووقفت .. رجع ياكل هو .. فانا قلت له طيب كان اكلت (لان راح تفكيري إنه يبي يخليها لي) فقال يعني منتي عارفة اني ماابي اكثر عشان السكر لايرتفع يعني باقي ماعرفتي وش فيني .. قلت خلاص معليش .. قال معليش وهو يتشدق .. رمى الملعقة في الصحن وراح يصلي .. ورجع من الصلاة دخل ينام..


أنا ماأعرض مشكلة بقدر ماأعرض حالة وصلت لها حياتنا .. مااعرف هل هذه الحالة عشان الوضع برمضان لأن السكر صار يرتفع عند زوجي كثير من الفطور .. وصرت مااسوي له الا شيء بسيط .. وعشان قلة نومه لأنه يداوم برمضان .. أو هذه الحالة راح تصير عنوان لحياتنا .. الله المستعان
نصائحكم

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..