السلام عليكم اخي
قبل حوالي 6 ساعات كنت أقرأ ردك
وكنت انا واخوي في البيت قلت في نفسي افتح نقاش عن الشواذ مع العلم اني للان ما صارحته ولا كلمته اني عارف باللي يسويه
فتحت نقاش معه عن الشواذ و قال مافي شي اسمه
شواذ هذا شي خلقهم الله كذا فطره يحسون حالهم ينجذبون ويحبون الرجال وينجذبون لهم أكثر من المرأه
قلت يعني هذا الشي حرام ام لا قال لا حرام ولا هم يحزنون الله خلقهم كذا ليش يخلقهم كذا ويقول حرام قلت و قوم لوط ايش قصتهم قال قوم لوط أمرهم الله ما يسوو هالشيئ وهما ما سمعوا كلامه وكان هذا اختبار هل سيطيعونه ام لا مثل قصة بقرة بني اسرائيل هذا اختبار يشوف مين اللي بيطيعه ومين اللي يعصيه عطيته دليل من القرأن (وَالَّذِينَ هُمْ لِفُرُوجِهِمْ حَافِظُونَ * إِلَّا عَلَى أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ * فَمَنِ ابْتَغَى وَرَاءَ ذَلِكَ فَأُولَئِكَ هُمُ الْعَادُونَ)*وإن جمهور أهل العلم كلهم حرمو الشذوذ
وان لوط عليه السلام وصف عملهم بلفاحشه وأعطيته آيات من سورة الشعراء
عصب و قال للان ما اقنعتني وبعدين كل واحد عارف الصح من الغلط فلا تحكم قال حتى الايات الكريمه ما تدل على ان الشذوذ حرام قال يمكن الشواذ هما اللي يدخلون الجنه وانته النار عشان كلامك عليهم بالسوء قلت له وأنا أقول ليش تلبس الضيق والشعر الطويل ومافي عندك لا لحيه ولا شوارب عشانك تحبهم بعدها عصب جدا وصار بينا مشاده كلاميه وطلب مني اطلع برا البيت وطلعت انا حاليا عند أحد أصدقائي والله اني متضايق و زعلان عليه وعلى ابوي يوم يعرف
شكله مقتنع تمام الاقتناع انه شي عادي او فطره على قولته