المشاركة الأصلية كتبت بواسطة أرواااح

قبل دخولي للمدرسه
ماكان عندي عرايس
كان كل مايشتري لي والدي عروسه
اخي واصحابه يجوا ياخذذوها ويقطعوها
يفصلوا يديها ورجولها ويقطعوا رقبتها ويطلعوا عيونها
كنت اروح ابكي لعند والدي
ويروح يشتري وحده ثانيه
ويخلوها لي كم يوم
ويرجعوا ياخذوها ويبدأوا بتعذيبها
قطع رقبه وايادي وارجل وعيون
وجلست ابكي وجتني وحده من خواتي
شافتني وسالتني قلت لها السالفه
قالت اتصلي على الشرطه يجوا ياخذونهم هههه
عطتني تلفون البيت الارضي وقالت سوي 999
دقت لي وهربت
وانا جالسه اتكلم مع الرجال وهو مايفهم لي
وقفل الخط بوجهي
وجسلت على هالحال
كل مايشتروا لي يقطعوها
الين ماشتريت دبدوب وارتحت
وكان معي ميكرفون وبيانو لعبه
كانت هاللعبه مفضله عندي
ومافي احد كان يتجرأ يمسكها
حتى خواتي وبنات عيلتي
وكنت ازعجهم بصوتي _ ايروكا زمانها -
الين ماتحايل علي اخي واصحابه _ ومنهم زوجي _ واخذوه واكسروه كنت وقتها في اولى ابتدائي
ولما رحت ثاني اخذوا الدبدوب وقطعوه
لاني رميت كورتهم لعند الجيران
والجيران مارضوا يجيبوه
فانتقموا بدبدوبي المسكين كان له سنتين عندي
كانوا مجرمين بشكل
ماكان عندي صديقات بنات 😅
والجيران كلهم اولاد
خواتي لانهم توأم يختلون بنفسهم
بس احيانا يكونوا معنا
ولما كبرن تغطن
هذا بالنسبه للالعاب

_____

اول مابدأت اميز ان خواتي توأم
كنت ابكي واخاف ليه في 2 منهم
وبعدين عقلت
___
اول مره شفت جدي وجدتي لوالدي
كان وقتها عمري 9 سنوات
لانهم عايشين خارج المملكه
اول مره بحياتي اشوف تجاعيد الوجه والعجايز
كنت ابكي واخاف ولا قدرت اسلم عليهم
وطول الليل ماقدرت انام خايفه منهم
واقول ليه اشكالهم كذا
وبعدين صاروا هم اقرب لقلبي 🌷
الله يرحم جدي ويحفظ جدتي ويطول عمرها
اما والد ووالدة امي توفوا لما كنت صغيره ماعرفهم
الله يرحمهم

_____

في شي مانساه لجدي الله يرحمه
ودايما ادعي له
مره اجونا ضيوف كان عمري 9 سنوات
وفي وحده من الحريم معروفه عند جدتي ان عينها حاره
ونا جالسه عند الباب منتظره بنات صغار العب معهن
جت سلمت علي وسألتني بنت مين انتي
قلت لها اسمي الكامل وان هذا بيت جدي
_ كنا خارج المملكه _
وجت اختي تركض بعباتها _ ماكانت تبي الحرمه تشوفها خايفه من عينها ههههه _
وسحبتني لداخل
ودخلتني الغرفه وقاالت لا تطلعين
في وحده شريره والفت لي قصه وخفت
وسمعت الكلام ونمت
جا المسا وماقدرت اقوم
كانوا يصحوني ويقوموني وانا ولا حركه
وجسمي ناار واحمر ورجولي ماتشيلني
وعيوني ماقدر افتحها
وجا جدي الله يرحمه قرا علي الين الليل
وصحيت بخير الحمدلله

___
جدتي ياحبي لها مسكينه دايم تقطع قلبي
لان بعد وفاة جدي الله يرحمه
صارت مو بعقلها وتنسى كثير
وتقول انه تنتظره 💔
______

بالمدرسه اول مادخلت كانن خواتي ينحرجن مني
يقولن لي لا تمشين معنا
بسبب اني انزل معي شنطتي
ولما صرت اتركها بالفصل
صارن يحبني
كانت بالنسبه لي معاناه ويبكوني دايما
انتي مو اختنا لانك ماتشبهينا
ولما اشتكي لأمي تقول لي
ايه ماتشبهيهم انتي مثل القمر مالك شبيه
وانطلت علي الكذبه
وكانن كل مايقولن لي كذا
اقولهن اللي قالته لي امي
وبدل ماكنت ابكي انا صارن هن يبكن ههههه
والى الحين يرددن نفس الجمله
وارد عليهن نفس ماقالته لي امي
ونضحك على روحنا

____

قبل لا ادخل المدرسه
كانن خواتي يدرسن
ووالدي كل مايشتري لهن زي مدرسي او شنطه او اي شي يخص المدرسه
لازم اسوي مناحه عشان يشتري لي مثلهن
مره في ايام الشتا
اشترى لهن جاكيت فخم وحلو
وانا اشترى لي صغير على قدي لان مافي مثله على مقاسي
وكنت ماادري انه ليل وصار بعد الساعه 11
جلست ابكي طول الليل الا وابي جاكيت مثل خواتي
واصيح وانوح وابوي قاعد يحاول فيني ان بكره بيشتري لي احلى
وانا فيني عناد الا وابغى جاكيت ومارح انام ولا اخليكم تنامون الا والجاكيت علي
وبعدين اخذني وطلعني ولعبني بالمراجيح بالحديقه
ونسيت موضوع الجاكيت
كل شتاء يتصل فيني تبين جاكيت ههههههه

____
اللي يغبن للحين
كنت أحاول اصير انثى وبدل لعبي مع الاولاد
ابي العب مع خواتي
لان مافي بنات العب معهن الا هن
وبنات العيله نشوفهن كل شهر
كنت اروح اجلس مع خواتي
اخوي ناداني اروح العب معهم هو واصحابه الاثنين وطبعا زوجي معهم
كنت ارفض واقول انا بنت بلعب مع البنات
كانوا يقولوا لي لا شوفي شكلك غير عنهم
يعني انتي مو بنت
وانا اقتنع بكلامهم واروح العب معهم كوره 👎
وشرطي وحرامي هههههه
كانت تجيني اصابات واقطع اللعب واروح اصيح عند اهلي
واخرب عليهم اللعب ويرجعوا يهددوني مالعب معهم
ويرجعوا يطلبوني العب 😅
مره عاقبوني وقالوا لي ماتلعبين
لما رميت كورتهم للجيران
كنت اصيح واترجاهم واعطيهم فلوس عشان يلعبوني هههههه
وانا كنت انسى
يعني نسيت انهم قطعوا دبدوبي
وفوق هذا عطيتهم فلوس

____
كبرت وصرت ثالث وخواتي اقنعني اني اتغطى منهم
وما العب معهم
وسمعت كلامهن وماصرت اجلس معهم
واذا طلبوني العب معهم ارفض
وبعد الاصرار والهدايا والحلويات
البس حجابي وعباتي واروح العب معهم كأني خفاش ههههههههه
الين صرت خامس انقطعت علاقتي فيهم بأمر من والدي
كانوا اعز اصدقائي في الطفوله واللعب 💙

_____
هذا نبذه صغيره عن الطفوله وماخفي اعظم هههههه

____

الف شكر لك حبيبتي امتعتينا بالذكرياات 💙