حياتي يا وفا تعي اسمعي قصتي وشوفي اذا بتضلك على رأيك بالحسابات الرياضية والنظريات 😄

انا من اول ما اتزوجت كنت اتبع الحسابات وبس قبل الدورة باسبوع او خمس ايام كنت اتركها
كون ببقى نظيفة 30 يوم بعد ما اخلص من الدورة
وحملت باول ولد من بعد محاولات شي تسع اشهر اقل او اكتر بقليل
وتاني ولد حملت فيه برغبتي
وربي رزقني الحمل من بعد ما وقفت الحسابات بنفس الشهر

اما بنوتي ما كان بدي اولاد ولا مفكرة بالموضوع
حملت فيها عالحسابات قبل الدورة ب5 ايام بس
يعني كان صايرلي نظيفة 25 يوم
فمن بعد اسبوعين رحت لعند الطبيبة حسبتلي حسب اخر دورة يعني المفروض حملي يكون ببداية الاسبوع السابع وعلى حساباتي انا اخر الاسبوع الثاني
فقالتلي حملك ضعيف وما في نبض ولازم احجزلك بالمستشفى ليعملولك اجهاض
وانا كنت حاجزة للسفر على لبنان الاسبوع التاني واستخرت خيرة
وزوجي رفض قرار الطبيبة
وماما قالتلي تعي على لبنان واذا الحمل منتهي بلبنان بتساويها وانا حدك وعندك اطفال صغار بساعدك فيهن

المهم نزلت على لبنان ورحت لعند دكتورة روسية قالتلي حملك تمام واحسبي على حساباتك مش على حساباتنا نحن الاطباء العلمية لانو لازم تنقصي شهر من مدة حملك
واعطتني موعد تاني بعد فترة وبس رحت كان في نبض وكل شي تمام
ومن بعد ولادة بنتي تركت الحسابات واعتمدت عالحماية

وصديقتي متلي واتزوجنا بنفس السنة كانت تعتمد الحسابات بس هيي كانت تعتمد قبل العادة باسبوع وبعد العادة باسبوع
وضلت تسع سنين عليها وزابطة معها
وقت ولدت بنتي اجت هنتني وعم تقلي ما عاد بدها اولاد واكتفت بتلاتة
بعد شهر بتتصل فيني بتقلي حامل ومنصدمة وحملت من بعد ما اتحممت من الدورة بيوم وزوجها سافر يعني ما صار في علاقة الا بهيدا اليوم
وسبحان الله ربنا رزقها ببنت من بعد تلات اولاد
قلتلها ما كانوا يجوا البنات الا بغلطة 😁😁😁😁😁😁

وماما دايما بتحط لولب من بعد 8 سنين طلب منها الدكتور تاخد حبوب لتريح جسمها قبل ما ترجع تحط اللولب
فحملت بأختي عالحبوب
ونفس الحالة اتكررت بعد 9 سنين كمان حملت بأخي عالحبوب
ولو بتشوفي شكلها هيي وحامل بأخي كانت بآخر شهرها بخطبتي الثانية نصير نضحك عليها
مع انو كان عمرها 36 وزوجي بوقتها يقلها بروح معك عالولادة بس يشوفها عم تبكي من الالم والخوف ونحن نضحك عليه
وخاصة باول خطبة الي كان عمرها 34 وقالت بدها تعمل كل الاحتياطات كرمال ما تعود تحمل بس ما نفعت معها 😓😓😓😓😓😓😓

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه