رد: هل أصارح زوجي بما يضايقني
اقتباس:
المشاركة الأصلية كتبت بواسطة صاحبة السعاده
قبل شوي جتني رساله من زوجي ع الواتساب
فتحتها الا هي شيلة ياصاحبي
وهذي كلماتها
حيا الله اللي يغيب ويسرع الرده
اللي يجيني الا منه تباطاني
قلب يوده وحالي كنها القده
ودي بشوفه ودونه حوم عقباني
ياصاحبي جارك الله ويش هالصده
مهوب حق تولعني وتنساني
ان كان عندك حكى بي خامل السده
فأنت المصدق وأنا حقي وما جاني
أهرج على ما تورى والبخت بده
لا تستحي يابعد حيي وحياني
وانا اسمعها بدت دموعي تصب صب
وحسيت قلبي بيطلع من مكانه
هو حاسس ان فيني شيء وشكله قلق
رديت عليه
أحبك يابعد روح تعشقك
والظاهر ماراح أكلمه بأي شيء خلاص
تجي الدنيا وتجيب خير
ومافيه شيء يستاهل اخسر عشانه هالقلب الابيض الي يحبن
علما انه ماسألني مره ثانيه احتراما لرغبتي
في عدم الحديث
(ربنا هب لنا من أزواجنا وذرياتنا قرة أعين واجعلنا للمتقين إماما )
|
أثر راعي الشحنه مثل راعي الوسواس
لافزت شياطينه مع كل عصريه 
على كثر مـ املك من صلابة وقوة باس
تبكيني الروحه ... وتفرحني الجيّه !!
الله يرحم فقيدك ياصاحبة السعاده ويجمعكم
في جناته يارب ويعوضك في رجالك خير
أنا أشوف ان الامور الثلاثة كلها ماتستحمل المصارحة
تحتاج كيد النساء بس ..
لعل أهمها النفقه وتذكيرك له بالنفقه بشكل صريح ومباشر يمكن يجرح رجولتة وكرامته ولعله فعلاً كان غافل وما انتبه والنفقه انت تقدرين تطلبين وتعودينه عليها ولاتستحين منها ابداً لأنها حقك شوي شوي مره اطلعي معه اشتري غرض مره وصيه يجيبلك شي وهكذا لين ينتبه
السلام الدافي والحضن فعلاً كبر سنه وطبيعته العملية تخليه ماينتبه ولاتاخذينها بحساسيه عادي انت ضميه وسلمي عليه واضحكي ووسعي صدرك
الباقي اعتقد انك اكثر ذكاء مننا وبتقدرين تسيطرين عالأمور بنجاح
الله يسعد قلبك يارب 
__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾
هُنا دلال ، حيثُ نجد وحيثُ الشمال