حبيبتي وفا ربي يحفظلك ياها وتشوفيها أسعد انسانة 🌹🌹🌹
من رأيي ما تلحي عليها بس عوديها لوحدها تجي تخبرك بأي شي بيخصها الها مع التركيز يخصها الها وما تخبر شي يخص غيرها لانو مرات الولد ما بيميز بين الاثنين
ولاقي اي حجة تخليها تحكي لوحدها
لأنو مرات بنتي بتجي بتخبرني عن صديقتها كيف بتحاول تأذيها عالخفيف بحصة الرياضة او السباحة وبنفس الوقت رفيقتها بتعمل مشاكل مع زملائها
فأنا خبرت بنتي انو بعدكن اطفال وهالشي طبيعي يصدر من طفل وبس تكبر بتتغير وانو ما تعمل متل رفقاتها وتستفزها لانو ممكن هالشي يخليها عنيفة اكثر

فبدك تشوفي هل اعمارهن ١١ بتخليهن يفكروا بنفس مستوى عمرهن او بتحسيهن بعدهن اطفال بالتفكير وبالتصرفات
لانو احتمال تفكيرهن طفولي ومجرد ما شافوها غابت اسبوع ممكن تكون وحدة غارت منها وقررت تتجاهلها واقنعت الكل بهيك وطبعا رح يسمعولها لانو تفكيرهن بعدو طفولي
بس الأفضل تحاولي تعرفي السبب وبنفس الوقت خبريها انو بتصير مع كتير اطفال بهيدا العمر لانو بعد ما وصلوا لحالة النضوج اللي بتخلي الشخص يتصرف صح
وركزي عليها ما تهتم بهيك امور كرمال ثقتها بنفسها ما تنهز ولا تأثر على شخصيتها لبعدين مع مواقف ممكن اكبر من هيك
بس هيك مواقف ضروري تتعالج من هلئ وتخلي الولد يقطع عنها من دون ردة فعل سلبية

دعواتي 🌹🌹🌹🌹

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه