اول شي قصتك تشبه قصتي شوي والله في بدايه كلامك رجعت اشوف الاسم قلت شكل انا كتبت قصتي ونسيتها😨 انا تقدم لي مطلق ولم يصدق هو واهله في سبب الطلاق وتزوجت اختي الاصغر والرجال مايعيبه شي للامانه دينه وخلقه وو لكن مايقدر يعيش مع حرمه يابسبب مس او مرض نفسي مااعلم خذيته وطلقني ماعرفت وش فيه ، لكن امام الله انا بريئه صبرت وحاولت الين مابقى حل ،
لكن انتي انا بنصحك اول شي اذا الصفات الي في زوجك صفات ممكن تتغير مع الوقت خذي دورات في الشخصيات واعرفي نمطه ايش وراح تفهمينه
ونصيحه مني ( لبسك وعبايتك هذي بينك وبين ربك راح تسألين عنها يوم القيامه فلاتتهاونين بالستر او رجال يجبرك عليه خليه من قناعه وخوف من ربي اول شي )
وحديثك مع عيال عمك انا طليقي كان كذا مع حريم خوانه وبنات عمه ويقولون عادي تعودنا وفعلا كل واحد وبيئته لكن قلت انا غير ( حنا وامي وعماني وعيالهم عمرنا ماجلسنا مع بعض ولاتقوينا مع بعض ولا بيننا ميانه ) انا اقول استخيري مره ومرتين وعششششر وفيه اشياء يبي لها تنازلات الدنيا ماتكمل لاحد
وودي اوجه سؤال للرجال
ليش اغلب الرجال كذا ليش يكون معقد او يغش الناس ليش مافيه رجال يصدق بسبب طلاقه ليش الرجال اول مايطلق بسرعه يتزوج ليش وليش انا حرمه وتطلقت ولو العيب فيني بقول ماراح اكذب حرام