حياتي يا مبتعثة والله يا ريت هيدا شرف الي
بايام الدراسة كانت رفيقتي اللي بقلها توأم روحي ساكنة بضيعة قريبة لضيعتي
بس كانت تجي تدرس عندي او ادرس عندها كنا نمشي من بيتي لبيتها او العكس يعني من ضيعة لضيعة ونفس الشي بعدها لهلئ بتحب المشي

بتعرفي وقت امشي بحس الرئتين عندي انشرحوا وجسمي كلو نفس الشي
بحس كأني عصفور طيار
بحس كأن كلمة حرية قليلة لوصف مشاعري واحساسي
المشي شي تاني بالنسبة الي عالم خاص فيني بياخدني لبعيد ولو بكون نفسيتي بالحضيض مجرد ما امشي بترتفع معنوياتي كتير وبنشحن بطاقة ايجابية
حتى بالوزن بحس عقلي الباطني بيتفاعل مع جسمي اثناء المشي
لانو بعرف حالي انو المشي بيحافظلي على وزني وجسمي وبسببه ما عندي ترهلات ولا عيوب
ففي علاقة وثيقة بيناتنا وعندي ثقة بالمشي كرياضة الي

انا بإذن الله بعد شهر برجع بزين وزني ورح راقب مقاس الخواتم والتياب

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه