ماشفت الردود كلها بس اتمنى افيدكم بشي..
المشي.. مو أحسن طريقة للتخسيس..
قدما ارتفعت دقات القلب، وقدما استخدمتي عضلات أكثر، بتحرقي سرعات حرارية اكثر..
دقات القلب المرتفعة ضرورية لحرق الدهون.. بش مرتفعة جدا لانها راح تحرق البروتينات ( من العضلات) بدل الدهون..
الرياضة زي المشي.. لازم وقدت طويل حتى تبتدي تحرقي السعرات الحرارية
من الدهون ..
مش شرط اذا استهلكي سعرات حرارية، انك احرقتي من الدهون..
السعرات الحرارية بتجي من ، مخزون السكر (دقات القلب منخفضة)، الدهون ( دقات القلب بين 100 و 130 تقريبا)، مخزون البروتين ( دقات الاقلب أعلى).. وطبعا كل وحدة تختلف دقات قلبها عن الثانية..
اعطيكم مثال، انا بروح عالنادي، أحسن الة عندي لحرق السعرات هي CROSSTRAINER، لكن بشرط، تحطي مقاومة عالية، اشوف نسوان طالعين فوقو، ساعة، بس مو حاطين مقاومة!! بيروح تعب ساعة بس مابتستفيدي كتير، انا خلال 25 دقيقة بحرق 500سعرة حرارية،، اما بحط برنامج CARDIO، او اذا مافي برنامج، احط مقاومة عالية بحس فخودي تتعب عشان تتخرك وقلبي بينبض ونفسي بيتسارع ( مهم يكون نفسك سريع شوية، يعني بطريقة مرتاحة نوعا ما) اذا تسارع النفس كتييير لدرجة مو قادرة تتكلمي وارتفعت دقات القلب كتييير،، هون بتحرقيبتحرقي
البروتينات،، يعني بتنقص عضلات فخودك والمؤخرة والسيقان.. وبكذا بتضعفي على الميزان بس كمان الجزء السفلي بيضعف بشكل مو حلو.. لازم تحافضي على الجزئ السفلي مليان، بس بالعضلات المنتفخة والمشدودة الي بتخلي الجلد كمان مشدود..
الي موقادرة تعمل رياضة.. احسن شي في حالة الكسل،، حطي موسيقى!! شرقية.. وارقصييي، مابتشوفو الرقاصات اجسامهم كيف حلوة؟ ارقصي باقصى مافيك ارقصي رقص يمين وشمال المهم تحركي وحركي اكبر قدر من عضلاتك.. خلي النفس متسارع..45 دقيقة كل يوم..
ونقطة اخيرة،
حاولي امكن تعملي الرياضة قبل الاكل، كلي نصف تفاحة واشربي مي،، ومباشرة عالرياضة، هيك بتاخذي الطاقة من الدهون المتراكمة في جسمك.. اما اذا اكلتي وبعدها رياضة،، بتحرقي من الشغلات الي توك اكلتيها.. يعني ماراح يزيد وزنك.. بس كمان ماراح ينقص..
واشربو مي كتييير كتير.. طريقتي.. بشرب مباشرة من القنينة، بعبي اثنين من 1،5لتر،، يعني خلال اليوم اشرب 3 لتر .. ما بتعبني لاني بشرب من القنية بتخلص اسرع من انك تحطي بالكاس.. بخس بكسل اشرب من الكاس..
موفقات حبيباتي
