عورني قلبي وأنا اقرا كلامج ,,
ما أدري شنو بالضبط اقولج ... بس حاولي تفهمين نفسج وتقنعينها
إن خلاص الي راح راح والجاي ان شاء الله يكون احسن
أنا أدري العشرة ماتهون إلا على اولاد الحرام وكل لحظة حلوة تتذكرينها بتفاصيلها
وإن كل ذكرى توجع قلبج وتزيد طعونه ....
بس لا تنسين إن الجفا جى منه وتركج رماج ولا درى عن هوى دراج
تذكري حبيبتي إنه باعج برخيص وأنتي الي حبيته بجنون وهو استغنى عن هذا الحب
إذا الحين هو مستانس مع ربعه ولاهي بالسفرات والروحات والجيات
انتي ليش حابسة نفسج بين كل هالذكريات .. حاولي تمررين وتطوفين ولا تدققين وايد
ترى جذي تتعبين والله يعلم شنو بصير لج لا سمح الله من ورى هالتفكير والحزن
حاولي الخروج من هذه الحلقة المفرغة إلي تدورين فيها
لأن شكله خلاص يوم راح ماله نيّة يرجع ولا منه أمل
وهالأشكال ما ينأسف عليها ....
وقبل شيء لازم تغيرين اسمج المستعار هذااا
وتبدأين من جديد
فتاة جديدة
بنفسية جديدة
بأحلام جديدة
وكل شيء جديد
واتركي الماضي .... فهو مجرد ماضي
والحمد لله على كل شيء
و
رب ضارة نافعة
__________________
حموودي وأبو حمودي
الله يخليكم لي
شمعة تنور لي حياتي
ووردة تعطر لي دنيتي
احبكم 3>
التعديل الأخير تم بواسطة منت عاجبني ; 15-07-2010 الساعة 03:32 PM