رد : نفسيتي محطمة جدا /أخي البليغ /أختي لكل شيء حد
فعلا اخوي البليغ... الكلام حاليا عن الصبر ما راح ينفع.... بالعكس راح يزيد الطين بله عليها.. لأنه راح يدخلها في امور اكثر و اكثر من رفض للوضع اللي هي فيه..
مجاهده.... ارجوج اتبعي التالي اسبوع على الأقل و بعدين خبريني شو حسيتي... بس لازم تلتزمين...
1- و تشتركين في نادي رياضي...و ممارسة الرياضه على آلة المشي لمدة نصف ساعه على الأقل (ضروري على الآله مب مشي حول الحديقه او غيره)...
2- عمل مساج مره في الأسبوه (روحي مكان متخصص و خذي راحتج هناك)... بعد المساج لا تلبسين ثيابج على طول... خليج بملابس المساج على الأقل لمده ساعه و نصف و غمضي عينج في المكان و استرخي مع الروائح هناك... اشربي شاي اخضر.. و اقري مجلات... اي فكره سلبيه تمر في بالج... قلبي صفحه المجله كأنج تقلبين الصوره هذي في مخج..
3- في المنزل... شغلي الفواحه برائحه اللافندر... خاصة قبل النوم... و عطري شوي مخدتج باللافندر علشان تنامين مسترخيه...
سوي هالخطوات لمدة اسبوع واحد على الأقل... بشكل مستمر....
في وضعج ما انصحج تقرين عن الإكتئاب لأنج راح تتخيلين كل الأعراض فيج و تتقمصينها بعد... فخليج بعيده عنها هالفتره....