منتدى عالم الأسرة والمجتمع - عرض مشاركة واحدة - اتقزز من زوجي.........
عرض مشاركة واحدة
قديم 21-06-2008, 02:33 AM
  #8
شادن44
عضو جديد
تاريخ التسجيل: Jun 2008
المشاركات: 17
شادن44 غير متصل  
السلام عليكم
الف شكر لكل من تجاوب معي ورد على الموضوع الله يجزاكم كل خير ويكتب لكم الاجر ويحقق لكل منكم مراده والمعذره
على تاخري في الرد
زوجي اذا زعل الفاظه بذيئه جدا ومع الايام صرت ارد عليه بالمثل وصارت حياتنا خاليه من الاحترام يعني احترم اخوي الي اصغر مني اكثر من زوجي لانه هو الي فرض علي احترامه بس ممكن اتحمله يسبني
لوحدنا لكن هو المره ذي سبني عند اهلي واخته وتكلم علي وهو قاعد يكلم صديقه اكيد صديقه سمع وراح يصلي الفجر
وسبني عند الجيران ومن الوقاحه رجع وشافني ابكي وقال لي اني سبيتك قدام الجيران وقال لهم بالنص(الحيوانه اللي عندي بالبيت........)تأكدت انه سبني لانه بعد الصلاه دق عليه جارنا واسمعه يقول له (تعوذ من ابليس وقل لا اله الا الله) في الليل دقت علي جارتي وتضحك قالت تزاعلتي انتي وزوجك قلت وش دراك قالت زوجي قال لي بس بالله لاتقولين لزوجك اني قلته (بالعربي شرشحني عند الي يسوى والي ما يسوى)وهذا الي خلاني ما اقدر اسامحه
امي تكره زوجي كره فضيييييع وودها اتطلق منه اليوم قبل بكره من زمان وهي تكرهه ودايم تقول لي اذاودك تتركينه
تري بيت ابوك يستناك وبتعيشين معززه مكرمه ولا ذلة لسانه

اليوم ناقشني في موضوع الفراش وقلت له انا لين الحين متأثره بالموضوع اترك البيت اسبوع روح اقعد عند اهلك
وخلني لوحدي ارتاح يمكن اتغير اذا بعدت عني وافق واخذ ملابسه ووداها بيت اهله ورجع وقال بكره بيقضيلي
بعدين يروح وقال اهم شي ترجعين شدونه الاولى (كأن المشكله فيني) قلت ان شاء الله
ذكرت لكم عيوب زوجي واحين بذكر لكم حسناته<<<<(كني بديت اغير رأيي) زوجي يعشقني بجنووووون
متاكده 100%100
محافظ على الصلوات في المسجد وهذا اهم شيء
حنوووووون جدا
كريم جدا
ممكن يضحي باشياء كثيره علشان سعادتي<<<<<<الا الالفاظ البذيئه
دايم يعبر لي عن حبه واني فوق مستواه ومن هالكلام(قد ماعنده كلام وسخ عنده الكلام الزين وبارع فيه)
وانا متذبذبه في حبي له اوقات احس ان امي داعيتلي في ليلة القدر واوقات احسها داعيه علي

يا اهل الخبره ساعدوني كيف اقدر ارجع الاحترام بيننا وانسى الي صار

التعديل الأخير تم بواسطة عبـدالعـزيز ; 21-06-2008 الساعة 11:34 AM السبب: لفظ المشيئة