السلام عليكم و رحمة الله و بركاته
كيفكن يا حلوات يا أمورات ؟
إن شاء الله يكون الجميع بخير و سعادة
خلينا نبدا ......
هذه صورة سفرتنا
( مندي دجاج + بف بستري محشية جبن + سلطة بطحينة + شوربة عدس )
صحيح صغيرونة بس زاكية كثييييييييييييير ( على قدي انا و أبو فهد )
المندي :
الطريقة :
بتحمسي بصلة + ثوم على النار ( بقدر ) ( طنجرة )
بتجيبي الدجاج أنا بحط نص كامل و بتحمسيه مع البصل
بتضيفي البهارات المتوفرة ( هيل. فلفل أسود . عصفر . قرنفل . قرفة.....)
بتضيفي الماء ( على قد الرز )
خليه يتطبخ حتى تستوي الدجاجة وبس تستوي إنشليها من الماء و خليها على جنب
و طبعا الرز منقوع
تضيفيه للماء و خليه على نار هادية
نرجع للدجاجة المسكينة قاعدة تستنى
بتخلطي ملعقة روب + ملعقة كاتشاب أو صلصة و تدهني الدجاجة و تدخليها الفرن ( حمريها)
تحمرت الدجاجة و الرز على و شك يستوي صح ؟ بس لا تنسي الدجاجة بالفرن مثلي !!!!!!!!!!
بتجيبي فحمة و بتحطيها عالنار
بعدين بتجيبي الدجاجة و بتحطيها على الرز
وبتجيبي صحن صغير و بتحطي فيه شوية زيت زيتون و بتحطيه عند الدجاجة
بتجيبي الفحمة و وبتحطيها بصحن الزيت و بتغطي القدر على طول
خله مغطى عليه دقايق
بعدين طلعي صحن الزيت ( خلصنا منه )
قدمي الرز و حطي الدجاجة فوقه وشوفي الطعم الرائع كأنك عامليته عالفحم
__________________
اللهم ارحم أخي رحمة واسعة و أجعل قبره روضة من رياض الجنة
