انا استغرب من اغلب الرجال
من يجوه اولاد خلاص يصير يهمل نفسه
مايفكر يشتري كرمتم نعال
او ساعة فخمة !!
يعتبر العطورات غالية ! وان يصرفها على ولده افضل
ومن ضمنهم الوالد الله يحفظه
الآن وعندنا اصغر واحد في البيت عمره 18 سنة يعني رجال
وللآن ان اشتري له غتر ونعال .. وبالموت يخيط له دشداشة !
عن تجربه عشتها .. والحمدلله ربي رزقني بذاكرة قوية جدا .. لدرجة اني اتذكر احداث وانا عمري سنتين فقط !
ترى الاطفال .. مايحسون اذا ابوهم حرم نفسه من شيء عشانهم .. ماراح يحسون في هالشي ولا يشعرون فيه
الاولاد ماراح يقولون والله ابونا في يوم من الايام حرم نفسه من نعال كشخة عشان يشتري لنا حاجة معينه
مثل ما اولادنا لهم حق ترى زوجاتنا لهن حق علينا كمان
لازم نظهر لهم بأفضل صورة وبأحسن زينه
النظافة اول شي وبعدين الكماليات مهمة
لازم تشوف نفسك وتتزين غترة نظيفة ، عطر جذاب ساعة كشخة
دايمن يوم اشوف واحد من اصدقائي عنده قلم او ساعة او اي شي جميل ..
اذكر له جمال هالشيء الي عنده .. ويفاجأني بقوله ان هذا هدية من زوجته !!!
مايفهمون المسج الخفي الي ورى هالهدية بمعنى " يا فلان اكشششششششخ "
تحياتي
__________________
متى زرت والدك آخر مرة ؟