المشاركة الأصلية كتبت بواسطة عيوني تحكيني

حلو انك رجعت لرياض. وانا على بالي طول البارح تدور في بريده ومو لآقي حجز


لا رجعت تعبت من اللفلفه صيام وحر وتعب

سألت اخوي اليوم الصبح قال افضل شيء حي الأفق والربوه
شققهم نظيفه ومرتبه يعني بأذن الله ترتاح فيها لأن اهم شيء النظافه بصراحه في الشقق


أي أكيد أهم شيء عندي النظافه لأنه في زملاء لي بنفس بريده من الرياض ولاكن لا أريد أن أسكن

معهم بسبب التدخين لأن الصدر مايتحمل الدخان ولا أريدهم يعرفو بجيتي إلا بعد الأستأجار حتى ما

ينشبون لي أسكن معاهم

وبالنسبه للكليجا مع اني مو من اللي يفضلونها
بس في الغالب عماتي ياخذونها من محل يقال له اتوقع الجزيره بحي الصفرا ...
وفيه بحي المنتزه وحده تصلح كليجا اسمها ام صالح اذا ماخاب ضني في المنتزه الغربي...


وربي أني أدور عليها نفسها أم صالح لأني قبل فتره أخذت منها بجد غير طبيعي كليجا معمول

بس أستحيت ذكر أسمها هنا هههههههه جبتيها الله ينور عليك يارب



وعلى فكره فيه حاجه تتميز فيها بريده عندهم منتزهات حلوه بصراحه والجو عندهم بعد صلاة العشاء ولا أروع
من ضمن منتزهاتهم الحلوه منتزه الهديّه ...

أي مايحتاج القصيم تتميز بكثر المتزهات الطبيعيه والأصطناعيه الغضاء قربت أيامه وكذالك في منتزه

على الدائر الغربي بجانب نادي الفروسيه حلو مررره وكذالك بالجهه المقابله منتزه الملك عبدالله ولو أنه

لسا ماأفتتح وكثير منتزهات



اتوقع بيكون هالأنتداب من اجمل انتدابات عملك >>>>> ثقه بديرتي