الى الأخ رومنس بعد التحية

الف شكر لك وعلى طرحك للموضوع اللى هو في غاية الأهميه, وإنشاء الله الجميع يشاركنا في هذا الموضوع عشان نستفيد اكثر

من ناحيه للموضوع والله صار الزواج يفشل الواحد البنت الحضرية ما تبي واحد بدوي عشان لا يفشلها ما يعرف للأتيكيت .. ما نقول لا مافي وحدة قالت كذا لا والله موجودين البنات اللى نطقوا هذة العبارة الصريحة..بس بسأل سؤال لكل وحدة فكرت هذا التفكير..
بالله العظيم ماجاء الوقت اللى يخط لنا خط النهاية لجهلنا؟
وهذا البدوي اللى مهو عاجبك مو الله خالقة؟

من ناحيه أخرى بسأل سؤال لكل شخص منع ابنه من انه يرتبط بوحدة حضريه ايش السبب اللى خلاك تمنعه وماهو المانع القوي اللى يخليك ترفض بشدة؟؟
البعض يقولوا بنات الحضر مدلعين وطول النهار دايرين بلسواقين ما عليهم رقيب وما يعجبهم العجب ولا الصيام برجب ومتكبرين

يا جماعه والله العظيم المسئلة مو مسئلة حضرية وبدوية المسئلة مسئلة تربية فقط لا اقل ولا اكثر اذا الأهل عرفوا يربوا ابنائهم التربية الأسلاميه الصحيحه , خلاص بينتهي الأمر
وياليت ننسى حكايه الحضرية والبدوي.. مسلسل جديد
والله يا جماعه اعرف قبيلة بدوية ان الولد له حرية الأختيار في الزواج بس بنت عمه اذا اتقدم لها شخص من خارج القبيلة يستشيروا ولد عمها هل هو موافق على هذة الزواج ولا لا؟؟
طيب لو طلع الولد له مزاج غريب كل مرة يقول ماهو موافق ويش نهايه هذة البنت تعنس!!

والله يجماعه يا ليت نفكر في التربية قبل كل شي ..اذا الولد متربي ويخاف الله وقادر على تحمل المسؤليه خلاص انتهى الموضوع ونفس الشئ بالنسبة للبنت

هذة حكايه وحدة زميلتي هي قبلية وعندهم محدد مسبقا فلانه لفلان مافي اي نقاش في الموضوع المهم كملت الجامعه وعلى اخر سنة قالوا لها خلاص اليوم الفلاني فرحك على ولد عمك لا شافها ولا شافته ولا يدري عنها ولا تدري عنه وحتى الأهل ما أخذوا رأيهم ولا فكروا من اساس فيهم
وصحيح في هذاك اليوم صار الفرح ودخلت وهي تحلف تقول ماهي مصدقة اصلا تقول داخلة وحاسة انه رجال غريب حرام اني اكشف عليه

المهم انا طولت عليكم واسفة بس هذا الموضوع والله لو تكلمنا فية ما ننتهي بس احب اقول شي واحد فقط.يحنا يا جماعه كلنا خلق الله ومافي فرق بيننا الأ بالتقوى

__________________

صــــــــانـــــع المعـــروف لا يــقـــع..وإن وقـــع وجـــد متــكـــئــاً

تحيــــــاتــــــي & احتــــرامـــــاتــــي