المشاركة الأصلية كتبت بواسطة mimomea

يا حبيبة قلبي يا مبتعثة القلوب عند بعضها ربي اعلم معزتك انت والصبايا بالرغم من معرفتنا بس من وراء الشاشة


بشوف تنتظري شهرين هيك بتكوني رضيتي الوالدة ربي يحفظلك ياها بما انها خبرتك بعد الشهرين انك تتصرفي متل ما بدك
وبنفس الوقت عندك فترة شهرين لتشوفي على مهلك افكار وتحطي خطط في حال انتقلتي او بدك تغيري الغرفة
ونطرتي كتير ما رح تأثر هالشهرين الوقت بيمر بسرعة

ومتل ما قال الاخ الكريم لماذا نتزوج في عندك خيارات كتير من ايكيا وبأسعار مقبولة وبيعجبني فرشهن متين وعملي افضل من غيرهن

وبما انك بيتوتية بعرف كيف حاسة لانو المكان اللي بنقضي فيه اغلب وقتنا ضروري يكون مريح ونشعر انو بيعبر عنا وبيشبهنا وبنحس بالراحة والسلام فيه بغض النظر ان كان كبير او صغير فخم او بسيط المهم يشبه شخصيتنا
فكرمال هيك حبي العمر مرة وحدة وما عاد تنتظري بعد ما تخلص مهلة الشهرين غيري الغرفة على ذوقك واستمتعي بوقتك واتركي بعدين لبعدين في حال غيرت البيت ممكن تستغلي الاغراض اللي جبتيهن او البعض منهم والباقي ممكن توزعيه لشخص بحاجة الو
وما بتعرفي ربنا شو كاتب للمستقبل فعيشي الحاضر لحظة بلحظة وان شاءالله الجاي اجمل واجمل بإذن الله
دعواتي ترافقك ❤🌷❤