من الامور التي تجعلني ايضا لا استمتع واحس بالخواء
كون المبادرة مني دوما
نفسي احد يبادر بتقديم شيء لي
يفاجاني يعمل شي لي اكون اولويه له نفسي
عائلتي ليست من محبي الاجتماعات و الحفلات والاستراحات
كل شخص مشغول بنفسه وعائلته الصغيره
مره كنت حابه نجتمع كلنا
فاستاجرت مزرعه صغيره وعزمت الكل وجهزت الاكل ورتبت الامور والقهوه وفيره
الي صار انه راحت الايام وانا شايله هم الناس والضيوف بالاضافه للمصاريف
وعسى محد يتضايق والاطفال كله جا على راسي
وصار مكان المزرعه بعيد جدا وقصه طويله
الامور هذي صعب يتولاها شخص واحد ونظام القطيه او شرايكم مايمشي عندنا
وهكذا في كل امور حياتي اي شي ارغبه لازم ابادر فيه واتحمل تكلفة استمتاعي كامله
لان مافي احد بيفكر ويقول مبتعثة يله قومي انا عازمك عبى المكان الفلاني مثلا
مايتصورون الزوجات الي ازواجهم قايمين بكل شي ومتحملين المسئوليه بحب اهما شكثر محظوظات وسعيدات
وهل فيه اجمل من شخص يلذل جهده ووقته وماله بس عشانريسعدك
في صداقاتي لازم ابادر
في علاقاتي الاسريه لازم ابادر
في كل شي لازم ابادر
فلي حصل اني تعبت
وابي احد يدلعني
ومافي احد بيدلعني
كلن مشغول بنفسه وبيته ولا الومهم