السلام عليكم ورحمة الله وبركاته
كل عام و إنتم بخير ...♥

كنت في كوفي مع أختي قبل أسبوع تقريبا
وحصل لي موقف أنا اعتبرته عادي، لكن بعلامة
استفهام من قريبي(يصير محرم لي) أعدت التفكير فيه
ولأني ماتناقشت معاه و رديت الاستفهام بإستفهام،
جيت هنا أسمع آرائكم حول الموقف : ).

لما رحت الكوفي مع أختي، كان مزدحم انتظرنا تفضى طاولة ونجلس
جلسنا و قالت لي أختي طلبها و رحت طلبت لها و طلبت لنفسي
ورجعت جلست معها واحنا نتكلم قالت لي يكتب اسمها على الكوب تبعها
لكن بعدين تراجعت و قالت خلاص لاتخليه يكتب، وفي هذا الوقت سمعت الموظف ينادي رقمي
ورحت آخذ الطلب ( كان هذا نظامهم، يمكن لأنه الكوفي صغير)
بالأول حط طلب أختي و بعدين طلبي ولما جا يغطي الكوب، مع العجلة طاح الكوب
وانكب نص الكوفي فاستبدل لي الكوب، و طلبت منه يكتب اسمي
فقالي بالعربي و بالانجليزي؟ قلت بالانجليزي، فقالي: اعطيني الاسبيلنق
فأعطيته الاسبيلنق حرف حرف، وبعد ماخلص كتابة رسم قلب و فيس !
أنا بصراحة أعتبرته تصرف لطيف و طفولي و ضحكت ! (بصوت ما أظنه عالي)
ويجيه الموظف الثاني يسأله في أذنه؟! وهذا اللي يكتب يقول بصوت عالي اسمي.
فتوقعت انه سأله : أيش اسمها؟!
المهم أخذت الطلبات و جلست على الطاولة مع أختي و صورنا سناب
و قريبي(بيننا سنة ونص او سنتين) شاف السناب اللي مصورة فيه الكوب
و أرسلي علامة استفهام(؟) و أنا كمان رديت بإستفهام(؟)
على أساس إنه يستهبل و أنا كمان رديت بإستهبال : )
وكملت يومي عادي، ومرت الأيام وأنا كل ما أفكر بالموضوع
أشوف عادي و ماحبيت أرجع أسأل قريبي عشان ما أباه يركز إنه الموضوع في بالي
أبى يشوف إني ماخذه الموضوع بشكل عادي وطبيعي : )