اشكرك على الموضوع
بما أني زوجة ثانية
فأنا احيانا احس في بعض المواقف زوجي يميل لزوجته الاولى بشكل واضح ويحاول انه يداريها خصوصا ان زواجه دام معها 14 سنه ويرتاح في البيت معها اكثر من تواجده في البيت معي
بس انا لما يجلس معايا كل وقتنا في سواليف واحيان يمضي الوقت ومانحس فيه فهو يوقلي تواجدي في البيت معهم كل وقتي اقضيه في مكتبي بين كتبي واحيان اشتغل على الكمبيوتر وهي ماهي دارية عني يعني لا توسوسي كثير انا احبك
بعدها تروح الغيرة مني
بس احيان يمر عليه يوم كامل ومايجي عندي البيت الا في ليلتي وانا انتظره على احر من الجمرة وطبعا استقبال حافل وكله شوق
بس انا صرت افهم ان حياته معاها 14 سنه ماهي سهلة يعني متعود اشياء كثيرة وصعب انه ينقلها عندي علشان كذا صرت اتفهم كثير غيابه عن البيت
بس احيان تخنقني العبرة لما تتصل عليه وهو عندي احس ان في منيشاركني فيه حتى في ليلتي بالرغم ان لما يكون عندها وانا متاكدة من كذا ما اتصل الا علشان أمر ضروري غالبا يكون عدم رده لي طول اليوم بس ابي اطمئن عليه
سامحوني على الاطالة
بإختصار كل زوجة لها معاناتها سواء اولى أو ثانية أو ثالثة أو رابعة
بس الفيصل هو الزوج
__________________