السلام عليكم

أنا سبق وقلت لكم عن اخوي اللي يحتقر نفسه ويحتقر الدنيا الحين صار يجلس معنا في الجلسه العائليه ودموعه أربع أربع وبدون سبب والوالده حزينه عليه ودومها شايله همه وماتتكلم إلا عنه وهي تتكلم عنه إلا شوي وتبكي وكلمناه أكثر من مره وش فيك وش فيك يقول ما فيني شيء مافيني شيء وإذا فتحنا التلفزيون قام وجلس لحاله ويشغل الراديو هالايام صاير ينام في الحوش برا وكأنه في العصر الحجري مايتقبل أي تطور يفرش مطرحه وينام عليها حتى بدون مخده وأمي داخله وطالعه عليه ماتتآم انسان متعبنا كثير وش نسوي معه كيف نعدل وضعه

في المقبره قبل ثلاث أيام بس يمشي ويبكي يمشي ويبكي والناس بذل ماهم يعزون أهل الميت جالسين يهدون أخؤي وهو يقول خايف من الموت أخاف أتعذب في قبري والناس عماني وأخوالي متجمعين عليه ويهدونه

شكرا مقدما

__________________
العضويه يستخدمها شخصين
قال رسول الله صلى الله عليه وسلم: ( ما الدنيا في الآخرة إلا كمثل ما يجعل أحدكم أصبعه في اليم فلينظر بم يرجع).