منتدى عالم الأسرة والمجتمع - عرض مشاركة واحدة - كيف انزل من وزنى
عرض مشاركة واحدة
قديم 06-02-2009, 01:26 PM
  #10
sa33
قلب المنتدى النابض
 الصورة الرمزية sa33
تاريخ التسجيل: Aug 2003
المشاركات: 2,588
sa33 غير متصل  
عزيزتى fatounie 1983 أنا جربت الشوربة الحارقة قبل كده وما جابتش نتيجة معايا ابدا لكن هجربها تانى وربنا يسهل ومشكورة على اهتمامك

أختى العزيزة سعاد 2000 أنا فعلا نفسى اعمل رياضه بس كنت عايزة أأجلها لحد ما ينزل وزنى شوية وأحس انى خفيفة وما اتعبش كثير من الرياضه فكنت مخططة انى اعمل ريجيم الأول لمدة شهر ولما ينزل وزنى شويه ابدأ فى الرياضة مع الرجيم ولكن وبما انى ماخسيتش ومحبطة جدا فأبدأ أعمل رياضة مع الرجيم لعل وعسى.........

أختى أنين الدنيا مشكورة على المداخله بس البلد اللى انا فيها مافيهاش جيم........

أختى الغالية ومبدعتنا منت عاجبنى يالله عايزه اكلات ابداعية للرجيم لحسن انا زهقت من الأكل اللى مالوش طعم بتاعى ده أما بالنسبة لموضوع الرياضه فأنا هأبدأها مع الرجيم وربنا يسهل
ومشكورة جدا على طريقة الشوربة الحارقة وربنا يخليكى ويرزقك الخلف الصالح يارب.

أختى ماريا أشكرك جزيلا على المعلومات الحلوة ولكن ما يحبطنى فى الرياضة اننى دائما بالمنزل ولا اخرج ابدا بمفردى ولو خرجت مع زوجى بنكون بالسيارة ولا يوجد عندى الات رياضة بالبيت وانا بأكسل من التمارين السويدى والكلام ده بس أكيد هأجرب الرياضه مع الرجيم علشان انزل شويه وربنا يسهل ومشكورة وربنا يقومك بالسلامة يارب

أختى خلونا فى المهم شكرا على المداخلة
أختى العزيزة الغربة مره بالنسبة لخل التفاح انا مجرباه فى ريجيم قبل كده وبيساعد جدا على تنزيل الوزن لأنه بيعطى احساس بالشبع وبالنسبة للحليب اللى على الشاى بتكون ملعقة شاى واحدة حليب نيدو بودرة
ومشكورة على مداخلتك القيمة
وإدعوا لى أخس لحسن اما محبطه جدا والله
انا خايفه انى الرجيم ما ينفعش معايا المره دى لأنى عملت ريجيمات كم مره قبل كده وكل مره بأنزل أقل من المره اللى قبلها
يعنى اول مرة اعمل ريجيم كانت من عشر سنين وخسيت 30 كيلو فى خمس شهور
ورجعت عملت ريجيم من ست سنين وخسيت 17 كيو فى ثلاث شهور
وبعدها بثلاث سنين عملت ريجيم وخسيت 8 كيلو فقط فى شهرين
ودلوقتى مش عارفه أخس ولا كيلو واحد ده ايه ده !!!!!!!!!!!!!