اول شي الف الف مبروك الخطوبة والله يوفقك ويسعدك

بصراحة اقدر لك اهتمامك بالموضوع وان شاءالله اقدر اساعدك
بحكم اني بنت وقد انخطبت وفسختها بسبب تصرفات خطيبي واسلوبه
بقولك كيف كان اسلوبه عشان تنتبه وراح اعطيك نصايح ان شاءالله اكون قدرت اساعدك
اول شي كان خطيبي مسوي فيها رومانسي باسراف يعني كان يحسب ان البنات يحبون
الرومانسية صح بس بالمعقول يعني كان كل يوم يجيب لي وردة حمراء وفيها كرت كاتب
فيه بيت شعر .. وكل شوي يدق علي ويقول كلللل اللي صار له بالشغل و في البيت يعني
كل شي بالتفصيل الممل حتى سوالفة مع مديره يدخلني فيها يعني حتى المدير يعرفني وبالاسم
ولما يعرف اني برا البيت يرسل هدية للبيت عشان لما ارجع الاقيها لدرجة اني مليت من هدايه صرت وربي ما افتحها اخر شي... كل هذا كوم ومسجات الجوال كوم ثاني يعني يرسل 20-30 رساله وراء بعض بالجملة وقسم بالله ما ابالغ شي مو طبيعي .. وبالأخير خلااااص مليت حسيت بختنق منه .. مليت من هداياه مليت من كلامه
احس وين ما اروح وراي مثل ظلي وبالنهاية كرهته صرت ما اطقيه .. وفسخت الخطوبه

مايستفاد <<< هههههههههه صرت استاذة

1-لا تكلم خطيبتك كل شوي يعني قلل المكالمات
2-كلامك مع خطيتك لا يصير كثير لأن لما يكثر الكلام تبدأ المشاكل والرجال شكله مو حلو
لما يحكي كثير احسن يكون الكلام قليل وعن مواضيع راقيه وعقلانيه يعني لما تمدحها لا تبالغ
( إنتي احلى بنت في العالم ... انا عمري ماقد حبيت احد كثر ماحبيتك...) <<مبالغات ممقوته ومبين فيها النصب
والأفضل انك ماتحكي لها كل شي يعني خل فيك شوي غموض أو تكتم على خفيف عشان البنت تحب تكتشف أشياء بنفسها وتتحمس عليك اكثر بس لما تحكي لها كل شي يصير فيها برود
3- لما تتغزل فيها اختار شي حلو فيها ومعجبك صدق مثلا لما تكون عيونها حلوه صدق عادي قولها أو شعرها عبر عن اعجابك فيه بكلمات قليله وصادقة ...
4- والأهم لا تقولها من اول ايام الخطوبة انا احبك لأنه يدل على انك شخص تحب بسرعة واللي يحب بسرعة يمكن يحب عشر مع بعض بسرعة ويكره بسرعة أو انه يكذب بس تقدر تعبر عن انك معجب فيها بشكلها وأخلاقها وانك ارتحت لها زي كذا ..

اتمنى اني قدرت افيدك والله يوفقك وان شاءالله تحوز على اعجاب خطيبتك لوووووووووول

تحياااتي