رد: أول شوفة شرعية بعد طلاقي
أسئلة الرسمي استوقفتني فعلاً خصوصاً موضوع ان صديقك يمدح وحده وهي اللي رفضته ويعرضها عليك وعادي بتروح تشوفها! عجيييب صراحه
ماعليناااا
بكل أمانة انت رايحلهم تقريباً وانت عارف انك ماراح تاخذها صح ؟ مدري حسيت كذا
بقولك رايي بصراحه
المشكلة مو في البروتوكولات المشكلة في مخك الناقد
وبس .. يعني ليه صدرك ضيق وش فيها اذا كلمتوا الناس واخذتوا موعد يناسبهم وردوا عليكم بعد اسبوع و و و عادي مو لازم في 24 ساعه تشوفها!!ياشيخ هذه بنت ناس وتبيها في زواج يعني الموضوع مهم مو بالإستهتار والتسطيح اللي تطلبه..ياشيخ حتى السياره او اي مشين قبل تشتريه بتاخذ وقت تسأل عن احسن ماركة وتبحث وتتقصى وتشوف .. فمابالك بالزواج ومن حق بنتهم عليهم انهم يسألون اولاً عن هالشاب اللي بيدخلونه بيتهم يشوف بنتهم يستاهل ولا سجله أسود وحافل بالإنجازات !!
والشوفة الشرعية أنت حدد وقتها ومدتها وكيفيتها من قال انك دقيقه وتطلع! تقدر تقولهم مسبقاً بجلس معها وقت وبنتكلم وترى البنت بتفرح واهلها بيفرحون من هالطلب وبالعكس بالإسلوب الحلو الفخم الناس يتقبلون كل شيء
انا على ان زوجي ولد عمي لكن عائلتنا كبيرة جداً والعمام غير أشقاء وماكنت اعرفه ابداًاا قبل
وفي الشوفة الشرعية جلسنا وقت سولفنا وتناقشنا وسألته وسألني ومامعنا أحد كان باب المجلس مفتوح واسلوبه كان مميز وقدر يمتص الحياء بسرعه ويستدرجني في الكلام وحتى أخواتي اللي تزوجوا من برى العائلة نفس الطريقة بالضبط لدرجة وحده منهم كان خطيبها يقهويها وهم يسولفون وهي تشرب عادي هههه
الزواج توفيق حتى لو في مجتمع مفتوح واخترتها بعد علاقه وطيده بتطلع منغصات وعيوب ونواقص وغيره والمنتدى هنا خير شاهد كلهم من مجتمعات مفتوحة والخيارات كانت واسعه وشوف مشاكلهم!
حدد أهدافك .. اختار صح .. سدد وقارب .. وقبل الشوفة كلم احد ناضج من اهلها انك بتجلس معها مدة من الوقت لوحدكم والباب مفتوح تسولفون وتتناقشون .. وماعتقد فيه احد بيقول لا!
__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾
هُنا دلال ، حيثُ نجد وحيثُ الشمال