السلام عليكم ورحمة الله تعالى وبركاته
في الحقيقة يادكتور أحمد شاكرة لك إهتمامك في موضوعي وجزاك الله خير وبارك الله فيك
ومستجداتي أمس تعبت بزيادة ومن عقب صلاة الفجر رحت للمستشفى إللي رحت له سابقا لأن مافيه في منطقتي أحسن من هاذا المستشفى المهم جيت عندهم قسم الطوارئ ودخلوني غرفة تنويم في الطوارئ وطبعا الأطباء إثنين أول ماشافوني قالوا أنتي كنت قدام أمس عندنا خير وش فيه وأخذوا ملفي وجلسوا يقلبوا فيه ويترجموا على بعضهم وعقبها وأحد منهم راح والثاني بقي متابع لحالتي طبعا قلت له إني الألم زاد معاي بشدة وماقدرت أستحمل وإني ماراح أستخدم مسكنات قبل ما أعرف تشخيص حالتي وأصريت على وجود طبيبة نساء وطلبت إشاعة تلفزيونية لمكان الألم طبعا بجهد جهيد إستدعوا لي طبيبة نساء وياليتهم ما إستدعوها لما نزلت لي سألتني أنتي حامل قلت لها لا قالت أنا الحين ما أقدر أسوي لك إشاعة
الإشاعة التلفزيونية عندنا مانسويها إلا وقت الضرورة للحامل وأنتي بنسوي لك إشاعة بس مو الحين بنقرب لك موعدك عندنا في عيادة النساء ونعمل لك الإشاعة طبعا أعطتني مغذي بالوريد وعملت لي تحاليل دم وبول وصرفت لي حبوب مسكنة وفي نفس الوقت تخفض كمية الدم النازل
إسم الحبوب tranexamicAcid
500mg
قالت خذي منها حبة مرتين لمدة أسبوع طبعا أنا الحمدالله ومن فضل الله عز وجل عليه الدم توقف معي من أمس حتى قبل ما أخذ الحبوب اللي صرفتها
لي الدكتورة وبقيت معي الآلام فقط كانت في أسفل البطن وكان عندي حرقان شديد في البول وبعد كل فترة تبول يشتد معي الحرقان بشدة والدكتورة مافحصتني ولاكشفت عليه علشان تقول لي لأنك لستي بحامل طبعا قربت لي موعد الإشاعة وعملت لي تحليل مسحة من الرحم والنتيجة بعد أسبوع وخلت موعدي في الأسبوع الجاي يوم الثلاثاء طبعا أنا جلست عندهم أمس من الفجر حتى عقب صلاة الظهر في قسم الطوارئ وبعدها أخذت نفسي وطلعت لمستوصف خاص عند دكتورة أخصائية نساء وولادة وسجلت عندها موعد ودخلت لعندها وعملت لي إشاعة تلفزيونية للرحم وللمبيض وقاست طول الرحم وعرضه وقالت لي الرحم عندك ممتاز ومافي عندك أي مشاكل لا في الرحم ولا في المبيض وفحصتني من أسفل علشان إذا كان فيه هناك قرحة أو إلتهابات والحمدالله رب العالمين طلع كل شئ سليم وتمام ومافيه أي إلتهابات أو قرحة أو تليف في الرحم وطلبت مني عمل فحص للبول وعملت الفحص وقالت لي إن عندي إلتهاب في المسالك البوليه وقالت لي أستمر على المضاد الحيوي زينات وكمان أشرب ماء بكثرة طبعا أنا بالبداية شرحت حالتي لها وقالت لي بالنسبة لنزيف الدم إللي كان عندك فسببه من حبوب منع الحمل إللي أخذتيها وأستخدمتيها ثلاثة أيام وتركتيها وبعدها نزل عليك الدم فالسبب هو تركك للحبوب
أما بالنسبة للألآم فهناك سبب آخر وفعلا عملت الفحوصات والتحاليل وطلع عندي إلتهاب في المسالك البولية وأنا كنت أعاني قبل حدود سنة من حصوى في الكلى اليمين وراجعت للمستشفى قبل كذا من شانها وقالوا لي إنها مجرد حصوة صغيرة وإحتمال تتفتت من نفسها وتنزل مع البول وأنا ماعاد تابعت وراها في المستشفى طبعا أنا حاليا الحمدالله والشكر لله الألم عندي خفيف ولاكن حرقان البول شديد وبالساعة رايحة جاية على الحمام بسبب حرقة في البول وإحساسي الشديد في التبول ووقت دخولي الحمام
ماينزل البول كامل وأحس بأن هناك إحتباس خفيف في البول ولست أدري هل هو بسبب الحصوة أو الإلتهاب والحرقان إللي حاصل معاي للعلم بأن في بداية التبول عادي تطلع كمية كثيرة من البول و بعد ما يقرب يخلص البول أحس بإحتقان في البول وحرقان شديد في منطقة خرو ج البول
أنا حاليا مواصلة على المضاد الحيوي واليوم هو الثالث من مدة إستخدامي للعلاج المضاد الحيوي .
وأنا الحين يادكتور أبغى وجهة نظرك في حالتي هل من الممكن إن يكون هناك شئ ما موجود عندي في الرحم والإشاعة مإتظهره لأني بصراحة متخوفة جدا من هاذا الموضو ع بالرغم من إنقطاع الدم وبالرغم من سلامة الإشاعة والفحص إللي عملته لاكن نفسيتي باقي ما أطمأنت ولا إرتاحت وباقي عندي شكوك وأوهام من هاذي الناحية ومسببه لي قلق كبير وخايقة بأنه لو قدر الله تكون عندي أمراض خطيرة وأنا مؤمنة بقضاء الله وقدرة ولاكن يادكتور الوسواس مايخلي أي إنسان في حاله لأني طول الوقت أفكر وسرحانة في حالتي المرضية وأنعكس الوضع على زوجي وأولادي .
فأرجوا منك إذا كان عندك معلومات عن مثل حالتي ونصائح أو توجيهات فأرجوا منك إنك تطرحها لي هنا وجزاك الله ألف خير وشاكرة لك وقفتك معاي يادكتور وبيض الله وجهك يوم تسود فيه الوجوه وأسأل الله أن يسعدك ويوفقك في حياتك وأن يرزقك بالخير من أوسع أبوابه اللهم آمين يارب .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 10-08-2011 الساعة 12:07 PM