فعلا كلام جميل وافعال طيبه ومباركه ولها اثر رائع سبحان الله
هذي طريقتي دائما مع اختلاف بسيط حيث اني احدد يوم في الاسبوع واعمل عشاء
وتكون الكميه كبيره واقسمه على اطباق واوزعه على جيراننا
او اخصص ايام الخميس والاثنين او ايام الثلاث البيض واعمل فيوم منها فطور كبير من لا الى
كانه سفرة رمضان واقسمه على الجيران الي اعرف انهم يصومون ولانساء كبيرات تكون محد عندها في البيت
من ابناء وبنات فاستغل الفرصه لاني ماقدر اصوم بسبب وجود الزوج والابناء فافطر كم صائم علني اكسب اجورهم
ولاينقص من اجورهم شيئا باذن الله
والله انها السعاده في ذاتها وسعة الرزق وجلاء الهموم ولاني ولله الحمد شبه متعوده على ذلك نسال الله الثبات
فلو مرة فتره طويله وغفلت عن هذا العمل احس بخمول وكسل ومرض فاتذكر اني من زمان ماسويت شي ووزعته
فقوم اسوي ويالها من راحه ماتوصف وبعدين ماكلف نفسي الشي الموجود في البيت وقسما مااخرج حاجه من البيت
الا يجي زوجي جايب منها كميه والخير ماينقطع فعلا مانقص مال من صدقه وهذي لو باتكلم عنها من هنا لاخر الموضوع
ما راح اقولكم عجائب الصدقه سواء في المال ولا الطعام او حتى في الهدايا البسيطه وتكون النيه صدقه وصلة فيها من الخير
مااعجز عن وصفه فالحمدالله على نعمه وان فتح لنا هالباب تصلح به امورنا