شوفى يا أم جوجوأنا وزنى يوم الاثنين الماضى كان 158 بوند يعنى 71,6 كيلو والاسبوع ده بقى 156 بوند يعنى70,7 يعنى نزلت 900 جرام وده انجاز كبير والله ماانا مصدقه نفسى وفضلت اطلع وانزل على الميزان زى المجنونة لأ وناديت ابنى يبص بنفسه( مش مصدقة نفسها)أما فى المقاس فنزلت 1 سم وكم ملى
أما عن الرجيم فأنا فعلا شايله همة بس خلاص استعديت ونزلت اشتريت الخضار والفاكهة اللى فى السوق كلها
حبيبتى باريسا شكرا على كلامك العسل والدعوة اللى اسعدتنى
حبيبتى ورده أنا عايزه انصحك بأنك تتبعى رجيم السعرات لأنه اكثر رجيم صحى والميزه اللى فيه انه بعد ما بتسيبى الرجيم ما بيرجعش وزنك يزيد زى باقى الرجيمات وأنا لا انصحك ابدا باتباع الرجيم \ات النوع الواحد اللى اتكلمتى عليه لأن هو ده بعينه الرجيم الكيميائى اللى بينزل الوزن بس مش بتنزلى دهون لأ بتنزلى ماء فقط ولذلك اول ما بتسيبيه بترجعى زى الأول وأكثر يبقى بلاش منه
حتى رجيم الخضروات والفاكهة انا مش مقتنعه بيه 100% لكن هأعمله اسبوع واحد فقط بغرض تحريك الوزن وبعدها هأرجع لرجيم السعرات بتاعى لأنه حتى لو بيخسس أقل بس بيكون أكيد اللى نزل دهون مش ماء.
أرجو انك تكونى فهمتينى وما تحبطيش من كلامى بس ده لمصلحتك يا حبيبتى وربنا يوفقك وننزل كلنا يارب بصحة.

،