رد : فكرة مشروع .. هل استمر او الغى الفكره ..
اقتباس:
المشاركة الأصلية كتبت بواسطة فرح تايه ~
اللي فهمته إن الموضوع زي الشراكة بإتفاق مبطن بينك وبين الأجنبي وعلى حسب معلوماتي إن الأجانب مايقدروا يفتحوا سجلات تجارية يعني غالبا راح يكون السجل التجاري بإسم زوجته المواطنة اللي هي بالأساس كفيلته، وهو ما وضحلك هالنقطة معناته إنه راعي لف ودوران وهالمواضيع ما تحتمل الكذب، غييير كذا إنتِ مو دارسة الموضوع تمام وواضح إن ماعندك خبرة كافية ومو عارفة إش الطبخة من الأساس والدليل إنه يوم شرط عليك تبقى كفالته ع زوجته مافهمتي عليه ! حبيبتي لا تغامري براس المال دام مافيه شيء رسمي بإسمك لأن الوضع الطبيعي نشوف المشروووع كله بإسم السعودي والشغل على الأجنبي يعني السعودي بس واجهة، والأخ أكييد الحين بيعملك من البحر طحينة وخوفي بعدين
( يجرد بك ) ..
ودائما في حياتك إنتبهي من حروف الشوك
( الشراكة .. والوكالة .. والكفالة ) لا تستسهليها ولا تغامري فيها .
على الفكرة السجل التجاري يقدر يفتحه الشخص من 18 سنة مو عشرين زي ما تفضلتي ..
|
هلا اختي فرح تائه .. ماشاء الله مبين عليك عند خبره في هذه الأمور .. ردك صراحه فتح عيوني على أشياء كنت أجهلها وهو ما وضحها لي .. مثل ان السجل التجاري يكون باسم زوجته .. كونها سعوديـه وهو لا .. والعمر المسموح به 18 مش 20 .. مثل ماذكر ..
مدري اعتقد الله اعلم شافني اجهل هذه الأمور قام يستهبل علي .. ما جاء في باله اني ممكن اسأل من وراءه .. وهذا سبب كتابة موضوعي هنا ..
عارفه ياعسل امس ارسلي واتس كتب طالما راح يكون فيه شراكه بيننا اطلب منك تساعديني ب 8000 آلاف ريال عشان موضوع او مشكله في الجوازات .. رديت عليه للأسف ماعندي .. وانا فعلا والله ما املك شي .. بسبب صرفياتي الكثير هـ .. وذكرت له فتح المحل راح يكون بعد قرض من البنك ..