السلام عليكم ورحمه الله
انا بكتب اللي حصل في الأيام اللي فاتت
بعد ما انقطعت كل اخبار طليقي عني
بحثت عنه وعرفت أنه سافر لعمان وأنه عاوز يستقر هناك ويشتغل
روحت هناك وطلبت من السماح وأنه يعفو زيديني فرصه لاخر مره
طبعا حاولت الوصول اليه لكن بعد عناء وصلت
وهو اداني فرصه ولاول مره يضع شروط
لكن وافقت عليها كلها
وانا حاليا علي ذمته وعملنا شهر عسل صغير كدا
وبجد أنا اكتشفت أنه احسن انسان في الدنيا
كاتبة الكلام دا لكل الناس
اللي كان متعاطف معايا وحاسس اني فعلا ندمانه
وكل اللي كان متضايق مني وناقم عليا بسبب افعالي
بس بجد انا حاليا مبسوطه اوي
وانا عرضت علي جوزي أنه يتجوز ويخلف وهو رفض
بس بالله عليكم والله انا اكتشفت دا متاخر أن الإنسان مش بشكله ابدا
لكن زعلانه لأنه اصبح ضعيف جسديا اكتر من الاول واي تعب بياثر فيه جامد
وانا راضيه ومبسوطه بيه وهو كدا
انا بس بطلب من ربنا أنه يخليه عايش معايا ويشفيه ويسامحني لاني كنت واحده انانيه ومتسلطه
ونفسي اخليه يعيش سعيد لاني الفتره اللي فاتت اكتشفت أنه بجد مشفش يوم واحد في حياته فيه فرحه أو سعاده
كنت كل مكان ادور واسال عنه اكتشف أنه ياما اتظلم في حياته كتير واستحملت
بقيت وانا معاه براقبه من راقبت كل حركاته
اكتشفت اد ايه أنه أقصي طموحه محدش يتعرض له بقول أو بفعل
وشكرا لكل الناس اللي ساعدتني وحتي اللي كان ضدي لأني استاهل منكم دا