السلام عليكم ورحمة الله وبركاته
يا صباح الفل على عيونكم الحلوة
ايه النشاط والحيوية دى كلها يا أم جوجو ماشاء الله عليكى والف الف مبروك للنزول فى الوزن والمقاس
وربنا يعيننا على رجيم الخضار والفاكهه بتاع الاسبوع الجاى يالله هأعتبر نفسى صايمة وامرى لله ههههههههه
باريسا الف مبروك للنزول وعقبال كمان وكمان يارب يالله شدى الهمة الاسبوع ده بقى
أختى هرد اهلا بكى معنا فى نادى الرشيقات يالله اكتبى وزنك ومقاساتك زى ما قالت لك اختنا ام جمانه علشان تقارنيها الجمعة اللى جايه باذن الله.
أحبكم كلكم بالله
أنا قمت وزنت نفسى دلوقتى علشان انفذ وعدى مع ام جمنه وما اوزنش تانى لحد يوم الجمعة الجاية باذن الله
وزنى 156 رطل يعنى 70,7 كيلو جرام . يالله انا معاكم من بكره
أما النهارده هأكمل يومى عادى زى كل اسبوع والغذاء سيكون وجبة مفتوحة زى كل جمعه هآكل فيه محشى ملفوف بطريقه صحية
كنت عايزه أسأل ام جوجو : أنا قرأت ان الرز مسموح به فى رجيم التخلص من السموم فهل هذا صحيح يعنى هل ممكن آكل رز مع الخضار بدون دهون طبعا ولا ايه وأنا كنت نزلت الموضوع كله علشان تشوفوه وتردوا على .