أشكر كل من رد علي وأبدى رأيه ربي يخليكم ولايحرمني منكم ..
وبالنسبه لموضوع العشيقه والزوجه فرأيي فيه كان من باب الغيره وانه ليس من العدل ان تتم المقارنه بينهم صحيح أو لا ....وماهو شرط اني ماأخذ بالإعتبار بالعكس استفدت منه كثييير وبحاول أطبق اللي ينفعني منه ..
وعلة العموم كنت حأبشركم جلست مع زوجي جلسة مصارحه صح انه زعل شويه بس عذرني ...قلت له اعترف اني مقصره معاك واستحي شويه في دي الناحيه ولكن يعلم الله إنك ظلمتني لما أطلقت علي صفة البرود ﻷني انا عارفه نفسي ...وانت يافلان خليك عادل وطالع للوضع بنفسك وانت عارف انك توك بديت تتغير معايه وتبغاني أنا كمان أتغير مثلك بس أنا أعذرني التغير ماحيجي فجأه شويه شويه وياريت تستحملني عبال ماأرجع روزليتا اللي أول وأحسن ...(وقلت له كل اللي بنفسي وكان كاتم علي من أول ماتزوجنا لحد الآن واعذروني ماأقدر أكتبو عالعام ) فقالي على العموم أنا آسف وكلامك صحيح بس ياريت تتذكري كيف كان وضعي المادي بين أول والآن ...قلت له بس الماده عمرها ماكانت شرط اللي تخليك كل ماأقرب منك تصدني ....بس العموم أنا آسفه والله العظيم إني أحبك وأتعلقت فيك ومومستعده أخسرك مره تانيه وأنا من يدك دي ليدك دي . ..
بس وانتهى النقاش صح هو زعل وأخد على خاطره بس النفوس صفيت ولله الحمد وفجأني اليوم بهديه كان نفسي فيها ربي يخليه لي ولايحرمني منه ..
ودعواتكم لي