رد : استشارة عاجلة قبل بكرة الظهر
استخرت ..
اولا زوجي جاب حجة انه كيف كل مرة اجيبك معايا و يقولوا طرطور ..
في المحكمة و المكتب تتفاهمي انت مع الرجال و انا ؟
و قال اذا ماتبغي تعملي توكيل و في التوكيل شروط واضحة ووو الخ ..
خلاص خلصي امورك بنفسك
.
.
المهم ..
انا ما طلبت من اخواني .. لانه اخواني مايحبوا اللف و الدوران ..
و عندهم اشغال تكفيهم و ما احب اثقل عليهم
و من مصلحة زوجي اني اخد سكن لنا و عشان هو يرتاح من الايجار
.
.
المهم ..
سعر العقار و موقعه الصراحة ما يتكرر ابدا و شفته ..
حتى الموظف بالبنك لما سمع السعر اتوقع انه شي صغير و برة مرة و شي بعيد ..
و قال لا تطيروها من يدكم .. فما اقدر أأجل الموضوع
خاصة انه صاحب البيت مستعجل و فيه مشتري جاهز و بيدفع كاش
طبعا هذا كلام زوجي و ما اقدر اصدق زوجي ..
.
.
قلت لزوجي بأدفع عربون 5000
بالكثييييير ..
قالي قليل و مايرضى و لازم 40
ما ارتحت ..
قلت له .. اعطيني فرصة افكر .. طبعا بالواتس اكلمه و هو يقولي ترى انا معاهم ووو الخ
قلت له خلاص قول للمالك بنروح بكرة نسحب المبلغ من البنك و يعطينا وقت لبكرة ..
.
.
استغليت الوقت و تكلمت مع اخويا ..
اخويا لاني زمان كنت اثق في زوجي .. فكان تقريبا شايل يده ..
بس المرة هذه قال لي رأيه بصراحة .. و اقتنعت برايه ..
و اعطاني حل جدا رائع .. و الحمد لله ..