منتدى عالم الأسرة والمجتمع - عرض مشاركة واحدة - أريد أن أكون رقيقة كما يريد زوجي

07-07-2009, 08:09 AM

فدوة لعيونك

عضو جديد

تاريخ التسجيل: Jul 2009

المشاركات: 17

أريد أن أكون رقيقة كما يريد زوجي

السلام عليكم..

اتمنى تتقبلوني عضوة جديدة في المنتدى وهاهي اول مشاركاتي

انا متزوجة من 3 سنوات ..وحساسة مرة مااتقبل اي كلام ينقال ..وزوجي يحبني ويراعي مشاعري بس يقولي احيانا لا تصيري حساسة خلي عندك روح رياضية ..واحاول عشانه اعدي ..ولكن فترة وارجع لطبعي!!
عجزت القى حل لحساسيتي الزايدة ..ومشكلتي الثانية اني مااعرف اعبر عن مشاعري..يعني لو صار زعل بين الاثنين وكل واحد يحس ان الثاني هو اللي غلطان ..عمررري مااتنازل واروح اقوله يلا حقك عليي واستسمح منه ..يصير عندي عناد وادا قال لي كلمة ارد عليه بعشر...واغلب الاحيان هو اللي يتنازل ويطيب خاطري وطبعا هدي تطول على ماارضى ..لما ارضى اتأسف منه..بس انا عندي عزة نفس بزياااادة ماامرر اي شي ولا اعتدر بسهولة..استغرب لما قريباتي يقولو ان هم اللي دايما يتنازلوو ويهدو الموضوع ..انا عندي الوضع معكوس..هو انا رقيقة وادا صرت رايقة اتفنن في الدلع ..بس خليني اعصب انقلب 180 درجة مادري ليش..حتى زوجي احيانا يقولي خليكي رقيقة وهدي الهواش اللي بيننا بكلمة حلوة منك..صعبة عليكي؟...وانا صراحة احس صعبة عليي لاني ماتعودت

متضايقة من نفسي احس ابي اغير اطباعي السيئة عشان زوجي بس مو عارفة..
مستعدة اسوي اي شي عشان اسعده..لانه يحبني مرة ومابي اخسر حبه لي من تصرفاتي ..اخاف بكرة يدور على بنت غيري تدلع عليه وتكون رقيقة نفس مايبغى