رد: كيف اتعامل مع طفلي بعد طلا
ربي يفرج همك بصراحه ما اعرف بالزبط ايش التصرف السليم لان ولدي عمره سنتين ونص ..
بس افتكر ولد زوجي عمره 5 سنوات بيسأل ابوه ويقوله ليه ماتجي تاخذ ماما معانا بيتك ؟
فكان زوجي يقوله دحين انا ماصرت اقدر اشوف ماما حرام بس انت تروح عندها وتكون معاها وتحب ماما وانا كل اسبوع اجي اخذك تنام عندي وتلعب معايا واوديك الملاهي وكدا ..
بعدها الطفل اقتنع وانسجم مع الحياه والحمد لله طبيعي ونفسيته مرتاحه وبطل يسأل ابوه وامه ..
مرا كان يكلم ابوه بالجوال يقوله بابا تعال عندي شوف غرفتي الجديده ماما عملتها وانا اخلي ماما تطلع ف الصاله عشان ماتشوفها وماتشوفك >> اترسخ في مخ الولد ان امه وابوه ماينفع يكونو مع بعض ...
ف انت لاتجلسي تحكي الولد عن شخصية ابوه وكدا لان اساسا هو طفل ومايستعوب الكلام دا . خليه لما يكبر يعرف شخصية ابوه .. انت بس قوليله انه ماتقدرو تكونو مع بعض وربي قال حرام دحين نكون مع بعض انت تجلس معايا ونخرج ونتمشى ووو غيري الموضوع حبه حبه ..
__________________
لاتسعى لتصحيح ظن احد بك ££ خالقك ينظر لقلبك وهذا يكفيك