السلام عليكم
اجل زوجتك الي مشتهية مشاكل؟؟ فعلا الله يكون بعونك يا مسكين
مشغول بالها عليك وتبي تعرف وش يضايقك و المقابل كف على الوجه !! يالك من بطل
المفروض تطنشك و تنشغل بالتلفزيون او بمكالمة وعساك متضايق على طول اصلا انت معصب من شئ برا هي ما لها علاقة ... فعلا مشتهية مشاكل
تزعل منك وتروح تسكب لك الغداء..المفروض تحرق الغدا او ترميه بالزباله هذا شغل الزوجة العاقله بس لانها مشتهية مشاكل سكبته لك وهي توها مضروبة .. يا لها من نكدية
طلعت من البيت وراحت لاهلها ومكتمة على الموضوع و لا علمت احد .. هنا اقتنعت انها فعلا مشتهية مشاكل ..
لو عاقلة كان راحت وسوت فيلم اكشن عند اهلها و كبرت الموضوع و لا رجعت الا برضاوة
يا اخي كيف استحملت زوجة مثل هذي اربع سنوات .. الله يكون بعونك
انا من رايي تتزوج عليها زوجة ثانية تأدبها وتخليها تعرف أي نوع من الرجال أنت
بس اشرط على اهلك وهم يبحثون عن زوجة ثانية انها تكون شخصيتها قوية مو مثل زوجتك الضعيفة
يعني تعطيها كف تعطيك كفين..
بدل ما تسكب لك الغدا وهي مضروبه تسكبه على راسك
بدل ما تروح لاهلها وتكتم الموضوع تروح لمخفر الشرطة وتسجل محضر اعتداء..
هذي الزوجة الي ممكن تعيش معك وتعرف تتعايش معاها..
الله يكون بعون بنت عمك ويسخر لها الصالحين من عبادة
تقبل مروري