اقتباس:
المشاركة الأصلية كتبت بواسطة ندى_1406
السلام عليكم ورحمة الله وبركاته
سؤالي الأول
هل هناك دواء او غذاء معين يخفف التعب أثناء الوحام (أول ثلاث شهور في الحمل )؟؟
السؤال الثاني كيف أتجنب أكتساب وزن زااائد أثناء الحمل ؟؟
السؤال الثالث هل لخفقان القلب علاقة بالحمل ؟؟
وجزاااك الله خيرا دكتور
|
هاعتبر ان قصدك الغثيان الصبح وده بيساعد فيه الليمون الطازج ومص مكعبات التلج وممكن ايس كريم بس مايكونش مسكر قوي
وكمان مهم ماتاكليش وجبات كبيرة كل وجبات صغيرة وكتيرة وماتخليش معدتك فاضية
لو الموضوع زايد عن حده ممكن نديكي ادوية
اما لو كنتي تقصدي تمني اطعمة مهيتة فدي ملهاش حل ببساطة غير انك تاكليها
بس تجنبي اي حاجة عنيفة او مش متناسبة مع الحمل
كل حاجة في حدود العقل
اكتساب الوزن اثناء الحمل محتاج خطة يضعها لك طبيبك علشان بنخاف جدا ان الام تعمل ريجيم فتضر نفسها لان الجنين هاياخد احتياجاته في كل الاحوال واللي هاتضرر من النقص هي الام
خفقان القلب بيظهر ويزيد مع الحمل بس المفروض تتعودي عليه
كمان مهم قوي الدكتور يشوفك علشان يطمئن ان كل حاجة في حدها الطبيعي ومافيش حاجة زائدة عن حدها