منتدى عالم الأسرة والمجتمع - عرض مشاركة واحدة

26-03-2008, 01:55 PM

الحلم الدافئ

قلم مبدع

تاريخ التسجيل: Nov 2005

المشاركات: 2,522

**..عزيمتي بالأمس..حياكم**(صور)

بالأمس زوجي كان عازم أصحابه على العشاء وأنا عزمت زوجاتهم
وكان نفسي أصور لكم كل شي بس الوقت ماأسعفني..

وسويت الأطباق التاليه...

أرز بالدجاج مع الجزر والبازلاء..
مكرونه بالباشميل..
بطاطس مهروسه..
السلطه بالدجاج اللي سويتها قبل وهنا طريقتها بالتفصيل..
**لمحبي الأطباق السريعة واللذيذه**

..الأرز..
قطعت بصل وفرمت ثوم ناعم وقليتهم في شوية زيت مع الجزر المبشور وأضفت البهارات..
وكنت مجهزه صدور دجاج مقطعه مربعات وأضفتها للخلطه السابقه
لما بدأ الجزر يذبل شويه والدجاج استوى حطيت المويه وأضفت الرز..

وفي الأخير أضفت له البازلاء..

..المكرونه..
سلقت المكرونه في مويه وملح..

جهزت المفروم(بصل وثوم مقليه في شوية زيت حطيت عليهم المفروم وأضفت البهارات وملعقة صلصه)

سويت الباشميل وطريقتي فيه..
أسخن زيت على النار وأضيف له الدقيق بكميات قليله وأحرك بسرعه عشان مايتكتل وبعدين أضيف الحليب وبرضوا شويه شويه لما يصير بالكثافه اللي تبغيها وأحط له ملح وكمون وفلفل أسود..
وطعمه خياااااالي..

وفي الصينيه حطيت المكرونه وعليها المفروم وصبيت عليها الباشميل وفي الفرن على نار متوسطه من الأعلى لما يتحمر الوجه..

..البطاطس المهروسه..

سلقت حبات البطاطس على النار

قشرتها وهرستها مع مايونيز وملح وفلفل أسود..وطعمها رهـــيـــب...

طبعاً ماصورت لكم الطاوله لأنه الرجال أخذوا أكلهم على الشقه اللي فيها الشباب..
وهنا لما جهز قبل لا ياخذوه..

..وكنت ناويه أصور لكم طاولتنا بس مع السوالف نسيت..

...ويارب يكون الأكل عجبكم..

__________________
.. ربي لك الحمد والشكر ..