رد : (مميز ) تمرجحي يـا طفلة الصبح ~ بـشويـش
اقتباس:
المشاركة الأصلية كتبت بواسطة شوك11
ودي اسولف عن الاماراتيين شوي
مقررة باذن الله ما ازوج بناتي الا اماراتيين
صديقاتي المقربات جداً اماراتيات وعمانيات!!
اذا سافرنا انا وامي اول احب اسكن في سكن اغلبه اماراتيين
اذكر لما كنا نروح مكة العشر الاواخر برمضان كنا نسكن بفندق كله اماراتيين من الشارقة
وكل سنة الفندق ما فيه الا هم
نجي للسءوال المهم ليش يا شوك؟!
اول شي لاحظته فيهم عندهم درجة تصالح عااااالية مع ذواتهم، ومربين عيالهم على هالشي
الاسرة الاماراتية مرييييحة نفسياً
تعرفوا على اي اماراتيين وادخلوا معاهم
تلقونهم بسيطين حبابين قووووة ومريحين نفسياً
ما عندهم عقد
حتى لما تشوف كيف يسمون عيالهم
متمسكين بالماضي والاسامي الاصيلة
ينقدون علينا وحنا نسمي رهف وهتاف واسيل ..... الخ
رايقين ، وصدورهم وسيييعة
مو كني طيرتهم السما
والله العظيم ما بالغت
ويا حبي لام خماس وام سعيد
|
فديتج يا شوك .. ذكرتيني بوحدة قابلناها في الحرم لما رحنا العمرة من كم أسبوع.
سبحان الله تقول: عمري ما أتكلم مع حد في الحرم .. إلا انتو حسيت فيكم شي جذبني لكم.
من خلال السوالف عرفنا إن بنتها عروس متزوجة من واحد إماراتي .. ويت معاه عندنا في البلاد .. وهي حليلها متولهة على بنتها وفاقدتها .. وحسينا من كلامها إنها مب راضية كثير عن هالزيجة لأنها ما كانت حابة بنتها تروح بعيد عنها .. بس يبدو إن البنت كانت تبغي الولد وصممت عليه.
ومع ذلك تمدح في الولد وتقول: مسكين كم مرة يقول لي تعالي يا عمتي زوري بنتج وتطمني عليها.
قلت لها: طيب يا خالتي روحي شوفيها عشان تتطمنين وتبردين قلبج .... قالت: عيب .. البنت توها عروس وعيب نخرب عليها هي وزوجها .. بس البنت مب مقصرة في المكالمات والسكاي بي.
غمظتني حليلها.
__________________
اللهم طِيبَ الأثر .. وحُسْنَ الرحيل.