يسعدلي صباحك عزيزتي جوهرة
اول شي حللي للغدة لتشوفي اذا في خلل او لا
وتلخبط الهرمونات بتأثر وبتعمل سمنة ولو خفف الانسان الاكل
ومتل ما قال الاخ ياسر ما لازم تبقي على نظام معين اثناء الرياضة

وفي موضوع بهيدا القسم بخصوص التنحيف يا ريت لو ترجعيلو وتشوفي تجاربنا

وسبق وحكيت هونيك انو لازم نخدع الجسم وما يتعود على نفس الحركات ونفس الحرق
كنت مثلا امشي خفيف شي اربع او خمس مرات بالاسبوع كرمال بيحرق اقل من المشي السريع بس بيحرق الدهون وما بيرجع الوزن بسهولة
وارجع الاسبوع اللي بعده غير بالنظام امشي تلات مرات مع تمارين رياضية لمدة نصف ساعة
ومرات خفف من الرياضة والمشي ومرات زيد
ومرات رقص ومرات بس مشي ومرات بس تمارين رياضية
ومرات اجمع نوعين مع بعض
يعني كل مدة غير النظام والمدة
دايما اخدع جسمي
وكنت اكل من كل شي بس خففت من الشوكولا والمقالي والمايونيز
ويوم بالاسبوع او يومين اكل مفتوح
وست وجبات باليوم
ما كنت جوع جسمي ابدا
لانو اذا جوعتي جسمك بيصير يخزن الدهون
صدقيني بخلال شهرين خسرت كم كيلو بدي نزلهن ونحتت جسمي وبين الفرق واضح
فما تيأسي مرات بالفعل ما ببين الا بعد شهر او شهرين ومرات من اول اسبوع
اهم شي اعملي تحليل لتعرفي انو ما في اي خلل عم يمنع جسمك من حرق الدهون
واذا ما بتاخدي اي ادوية بنصحك بالجريب فروت قبل الوجبات او بعد الوجبات بنص ساعة او ساعة
كتير مفيد وبيساعد الجسم عالحرق

بالتوفيق

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه