اقتباس:
المشاركة الأصلية كتبت بواسطة meemaa
ماشاء الله عليكي ... بس احس حياتكم برا معتمده ع المشي اكتر شي صحيح ؟؟
انا لما اسافر للخارج بينزل وزني كتير لأني بعتمد ع المشي كثيييييييير وبنفس الوقت بأكل كتير لان مع المشي بجوع ..
احسن رجيم ليا هو السفر للخارج ما احرم نفسي وامشي وانا مبسوطه  |
تسلميلي حبيبتي meemaa⚘⚘⚘⚘
صحيح بالرغم من وجود سيارة وتوفر وسائل النقل بتلاقي كتير ناس بتحب بتمشي او تسوق بيسيكلات
وحتى في البعض على شغلهن او مدارسهن بيروحوا عالبيسيكلات ان كان بالصيف او بالشتا
يعني مثلا اذا بروح عالماكدونالدز بروح مشي نص ساعة وبرجع نص ساعة
بالصيف كنت التقي بصديقاتي نروح الصبح نتروق كرواسان وكيك ومربى وزبدة ونشرب لاتيه وحط سكر كتير باللاتيه
ارجع مشي عالبيت ساعة فما كان يزيد وزني
والطبيعة والجو بيساعد انو الواحد يمشي ويحب المشي
الطبيعة صديقة الانسان وكل شي عالطبيعة بأي شي صحي اكتر
وحاليا ثابت وزني ما عم ينزل لاني بشكل يومي باكل شوكولا وما عم اعمل كنترول عالكمية
لاني شايفة اني مسيطرة
بس وقت حس العكس اكيد رح قلل الكمية واحسب كل قطعة بدي اكلها
اقتباس:
المشاركة الأصلية كتبت بواسطة wa1121
مشكلة من ترتاح نفسيا بالاكل
الله لا يجعلنا منهم
انا نفسك ميمو تجيني رغبة قوية في الليل للحلو
صرت ما اشتري شكولا عشان ما اضعف
ان لم اجد شي اكل ملعقة نيوتيلا تاع الاولاد ههههه
احنا يا ميمو عاداتنا ما ناكل الصبح الا قهوة او حليب وقهوة ما نقدر
شفت جارتي الشامية ما شاء الله كانهم يتغذون
والاكل الصبح مفيد اكثر😍😍
|
حبيبتي يا وفا ما خاربلنا بيتنا الا الجوع بالليل 😁😁😁😁
بالفعل عنا الترويقة متنوعة وضرورية
مثلا اهلي بشكل يومي بيتروقوا مناقيش مشكلة او فول وحمص وخضرة واجبان وألبان
او كفتة واجبان وألبان وبيض وخضرة
او لحم بعجين
او كشك وألبان واجبان وبيض وخضرة
او لحمة مع بيض او لحمة مقلية زائد الاجبان والالبان غير مرات القشطة والعسل
وطبعا دايما بيرافق الترويقة الزيتون والشاي
وان شاءالله بس انزل لعند اهلي بصورلكن كيف بتكون الترويقة
وبالفعل الواحد بيبدا نهاره بفطور متنوع بيقدر يكون نشيط ويقوم بكل أشغاله ان كان داخل البيت او خارجه وبيكون عنده مخزون طاقة كبيرة
وهيدي صورة للترويقة عندي ايام كنت بلبنان كنت عازمة سلفي وخيي واصدقاؤه
هيدا جزء من السفرة مصورته لحم بعجين وكفتة ولحمة مدقوقة وبيض وعليه جبنة ومطرح الغطاء الابيض هيدا فول وحمص بنشتريه جاهز من الفوال
وفي بعد كمان اجبان وألبان بالجزء التاني من السفرة مش مصورتهن
شكلها مسك بدها تقصف جبهتي 😁😁😁😁😁