اقتباس:
المشاركة الأصلية كتبت بواسطة غـادة..
مايصلح تسوين الاثنين بنفس الوقت ، الاهم انك تفطينه وبعد الفطام اصبري فترة يتعود بعدين حاولي تفصلينه ..
قريت كثييير مستشارين تربووين بان طريقة الاولين غير تربوية ومفروض يكون بالتدريج ، ويكون منع حازم بس صراحة مافيني صبر يجلس يبكي اسبوع كامل !
ببنتي قلت والله مالي الا طريقة امهاتنا بلا طرق تربوية بلا هم 😂
جبت تيب واخترت التيب القوي مرة اللي لونه رمادي ولصقت وكل ماجت بنتي ترضع تشوف التيب وتهون
وكنت اسمح لها تلمس صدري او تنام عليه واضمها بس اهم شيء ماتفك التيب .
للحمدلله خلال يومين او ثلاثة تعودت ..
جربي تحطين قهوة تركية او مُر تنقعيها وتبللين صدرك بمويتها او اي شيء طعمه غير مستساغ ..
اما بخصوص النوم المنفصل برضو جبت سرير بنتي وكسرت واحد من اطرافه وخليته متصل بسريري ، وانام انا وهي انا انام بالمنتصف نص بسريري ونص بسريرها ، واذا غفت شلت نفسي ونمت بسريري
حتى لو صحت بالليل ماتنجن وتبكي لانها اصلا جمبي مايفصلنا شيء 😅
مرررة ارتحت لهالطريقة وزوجي ارتاح جدا .. ارتحنا من الرفسات والحركات الكثيرة 😑
بس ان شاءالله يجي بيبي ثاني بفصلهم سوا ينامون بالغرفة الثانية ..
|
مااستفدتي شي اذا السرير لاصق بالسرير بيزحف من سريره لعندي
انا ابغاه بعيد عني بيني وبينه مترين هههههه
ابغى ارتاح اباخذ حريتي ف النوم ابستقل