رد: تطلقت ويريد مني الرجوع
جوانا
انا ماقريت موضوعك الاول
بس قريت هنا انه كان انفعالي شكاك وعصبي
من تجربة هالصفة لو تموتين ماراح يتغير
انفذذذي بجلدك
العصبية تقتل كل شيء جميل
اذا بفترة الملكة ماقدر يضبط انفعالاته
وش تتوقعين بعد الزواج
ابدا ابدا لاتصدقين الوعود
هو قد يكون صادق
بس قوة الطبع تغلب
انا متزوجة عصبي من ١٤سنة
كل شيء جميل بحياتي باااهت بسبب صراخه الدائم وانفعاليته
يواعدني يترك العصبية بس فترة ويرجع اخس
بس انا ارتبطت معه بأطفال وصعبة الانفصال
بس اعيش وانا ميتة الاحساس
اصعب شيء تعاشرين شخص انفعالي لازم تنتبهين للنقاط اللي تثير غضبه..طول وقتك متوتره وعلى اعصابك
واذا غضب والغضب احد اشكال الجنون ممكن يتلفظ بأي شيء وممكن يكسر اي شيء وممكن يدعي على كل شيء وبعد كل هالمهازل لازم تعطينه حقوقه كاملة..
مع انه من وصفك خطيبك اشد من زوجي لان زوجي ضابط نفسه بالبداية مابانت عصبيته الا فيما بعد
الخلاصة
تبين رأيي لا توافقين لاتوافقين لاتوافقين
وحكاية تغير او يتغير اكبر كذبة
لاتجازفين بحياتك على احتمالات ولاتستجيبين للضغط العاطفي الوهمي..ولاتقولين تعال لاهلي قولي خلاااص انتهينا علشان ييأس
والله يرزقك افضل منه