ريماس ..
اطباء المنتدى ... في اجازة والله اعلم .. لانه ماحد منهم يرد .. الله يسهل امورهم

المهم بارد عليك من خبرتي ماني طبيبة

حرقة المعدة .. طبيعية حلال الحمل ..
حاولي تزيدي من شرب السواءل و تبعدي عن الكافيين (شاي قهوة )
لا تاكلي مرة وحدة .. بمعنى بدل ماتاكلي صحن كامل قسميه على وجبات صغيرة
فا كل ساعتين كلي شي بسيط و هكذا .. اما ملء المعدة يزيد من الحموضة

ممكن شرب جافيسكون .. واتاكدي من علبة الدواء (مكتوب عليها يسمح للحامل )

(رديت عليك لاني سالت نفس السؤال لطبيبتي ايام حملي و جاوبتني بهذا الاشياء و نفعني *


بالنسبة للسفر .. ماحددتي كم طول السفر و بسيارة و لا بطيارة ؟؟
اعتقد والله اعلم اذا حملك تمام و مافي افرازات دموية .. فا باذن الله مافي مانع من سفرك
عن نفسي سافرت مدة 14 ساعة بالسيارة اثناء بداية حملي و الحمدلله ماصار شي

بس تذكري السوائل و اذا السفر طويل .. كل ساعة تمر قومي امشي فيها شوي
وارجعي اجلسي (لانه الحامل عرضة اكثر من غيرها لجلطات الرجل .. فالمشي يمنع التجلطات )

اخيرا بالنسبة للصبغ (سالت طبيبتي و سالت وحدة ثقة تشتغل بصالون )
مافي ابحاث تدل على انه الصبغة خطيرة على البيبي .
لكن المشكلة في اللون
يعني بسبب هرموناتك .. ممكن اللون الي تحطيه ينخبط و يطلع لون ثاني

جارتي جربت بحملها صبغت شعرها بني
طلع نص اصفر و نصه اسود

خليك عالجانب الامن و لا تصبغي احتياط و استغلي فرصة الحمل للاعتناء بشعرك اكثر

والله يقومك بالسلامة حبيبتي و يكتب لك ساعة سهله و يقومك و جنينك بالسلامة

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله