هلابكم جميعا بصراحه الفضفضه حلوه !!! وآسف على التأخر عن الرد !!!
قرأت كل الردود >>>>>>
واكتشفت إن كل واحد منكم يفضفض ويطلع إللي في قلبه !!
مرات اشوف بعض الردود إني أنا الغلطان وإني ما عرفت أتعامل مع زوجتي !!!
ومرات أشوف ردود التعاطف مع زوجتي وأنها مظلومه وليس لها ذنب !!!
ومن هذه النقطه وأصارحكم بأنه فعلا مظلومه وليس لها ذنب !! قدر الله وما شاء فعل ..
فعلا أنا تسرعت وأتزوجت !! وعلى أساس كذا سميت نفسي ((( غلطة العمر )))
يا أخوان ويا أخوات أنا أبيكم تفهمون شي واحد قبل كل شي !!
كوني أحبها فهذا من المستحيل !! ولكني أحترمها وأقدرها ولا أتلفظ عليها بل وأمدحها أما البنوته الصغيره !!
يا أخوان مهما دليتوني على ألف وألف مشغل ومائة مطعم ,,,, ترا الوضع هو هو !! والنفسيه هي هي ما راح تتغير وأنا قلت لكم ( فلانه هي فلانه في البيت وخارج البيت وفي السيارة وفي المطعم إللي تقولون أروح فيه والمشغل إللي تقولون عنه)) !!
ولكن خلونا نفتح موضوع ثاني ونتناقش فيه !! وما يمنع نتكلم فيه !!
من طبيعة الرجل إنه يفكر في زوجه ثانيه وأنها ستجدد ما فات ومضى !!
أنا بصراحه أفكر وأفكر ثم أتراجع وأقول راح أحمل نفسي ما لا تحمد عقباها !! ليه ؟؟ لأنه مما نسمع من سوالف الحريم إنك راح تتزوج الزوجه الثانيه إللي راح تسوي فيك النون وما يعلمون ... طيب ليه كذا !! يعني أي زوجه ثانيه هذا هو مصير من يتزوجها ...
يا أخوان والله أنا ما سبيت زوجتي ولا قلت فيها شي يبرر إني أطلقها كما يذكر بعض الاعضاء ,, وأدري وأعلم تماما ما هو أثر الطلاق على الاطفال ,,, والله ثم والله إني أخذت على نفسي عهد إني ما أطلقها لسبب إني لا أحبها لشيء مقدر ومكتوب عليه ,,, إلا في حالة تستدعي الطلاق تخل بأخلاقها ,, ولكن الشي هذا مستحيل يصدر منها وأنا قلت لكم إنها متدينه ومحترمه و و و ..........الخ
ولكم مشكلتي ما أحس بأي قبول لها فيني ..
ولكن لكم سؤال يا أهل الخبره ويا أهل من تسمعون الاخبار .. ؟؟؟؟
هل فعلا الزوجه الثانيه نكد وندم وقروشه أم أنها حل لمشكلتي وش تشوفون ؟؟
وهل العائق المادي مبرر للإستسلام بالوضع الراهن والرضى بما أنا فيه !!!
واشكركم على الردود وبصراحه ما كنت اتوقع العدد الهائل إللي يقرؤون موضوعي !!
تحياتي لكم