مقادير الكيكة الاسفنجية
5 بيضات
1 كوب دقيق
1كوب سكر بودرة
فانليا ويكينج بودر
تخفقي البيض مع الفانليا بالمضرب الكهربائي لحد ما ينفش قوي
تضيفي السكر وتضربي لحد ما الخليط يتقل ويتضاعف حجمه
بعدين تضيفي الدقيق والبودر وتخلطي بملعقة خشبيه او اسباتيولا بخفه علشان الهوا ما يطلعش من الكيكة
(ضيفي ذرة ملح مع الكيكه بتطلع معاكي هشة جدا )
تصبي الخليط في صينية مبطنه بالزبده والدقيق او بورق الزبده
تحطيها في الفرن( طبعا الفرن تشعليه قبل البدء في عمل الكيكة) علي حراره 180
ممنوع تفتحي الفرن قبل مرور 10 دقايق
تتأكدي من نضج الكيكة بالسكينة او عود اسنان خشبي ( لازم يطلع نضيف ) مفيش عجين ملتصق بيه
تطلعيها من الفرن وتقلبيها علي سلك علشان تبرد وبعدين تزينيها علي كيفك ممكن تحشيها كريمه وشيكولاته
ممكن تضاعفي المقدار وتعملي كيكه كبيره
وممكن تحطي معاها ملعقتين كاكاو وتبقي كيكه بالشيكولاته ( مفيش داعي تشيلي دقيق مقابل الكاكاو) بتطلع حلوة برضه
عايزين نشوف تطبيقاتك قريبا