رد : (غرفة النقاهة النفسية) رسالة لمن تكره
أولا أوجه الرساله لنفسي وأقول ليه تسرعت بقرار الزواج ألوم نفسي لاني كنت متلهفه ان اتزوج لدرجه اني كنت ادعي ان اتزوج وبس وياريت قلت يارب ابن حلال كل هذا عشان عمري ثلاثين وخفت العنوسه
والرساله الثانيه لزوجي الذي لا يقرا ولن يقرا انسان بلا مشاعر غدار خاين ونسونجي ومعدد لاربع لماذا حطمت كل احلامي مزواج ومعدد وله عشيقات ومسيار ليس هذا ماكنت اتمناه كنت أتمنى زوجي معي بكل شي عالحلوة والمره بس للأسف زي لما كنت ببيت اهلي اخرج لحالي سوق او مستشفى او أي مكان ان سافر مع احدى زوجاته ورجع مايقول انه جا طيب انا بعيده من اهلي هم بمدينه وانا بمدينه مايقول يمكن تحتاج شي طبعا مايعرف شي اسمه العدل او جدول كل وحده بيومها على كيفه المسأله يكلم عشيقاته بالواتس امامي وزوجاته الأربع مايكفونه وغير زيجاته السريه اللي عرفتها انه مسيار ويطلق وممكن يتزوج خمسه وسته عادي وان اكشف امره يطلقهم أقول لزوجي شكرا على كل حلم حلمته وانت حطمته وشكرا على كل إحساس تمنيته وتجاهلته هو يصرف البيت ومصاريفي بس كوجود له مافي الا ثلاث أيام او يومين بالشهر كله والباقي انا لحالي واللي مصبرني ولدي الله يخليه لي عمره سنتين وايماني بالله هذا هو الزواج اللي تمنيته ودعيت عشان اتزوج وتزوجت وللأسف مقدر اطلب الطلاق الا ان كان هوبيستغنى تجي منه احسن عشان اهلي يوقفون معي وهو امام الناس طبعا ملتزم ولحيه وثوب قصير وهو شر الخلق سبحان الله يمكن الشباب اللي اقل دين احسن منه على الأقل مو امام الناس مطوعين والخلف شيطان رجيم أقول لزوجي انا الان لا حياه ومتبلده المشاعر أصبحت أعيش لنفسي وبس وهمي عبادتي واهلي وولي وسعادتي وهو تحصيل حاصل ولقب اجتماعي فقط للأسف
__________________
حسبي الله لا اله الا هو عليه توكلت وهو رب العرش العظيم