ليلة البارحة أوصيت أحدهم أن يذهب للسوق ويشتري بطانيات للعيال ويوصلها بيت أهلها (لأنني أنا مسافر إلى انتداب من العمل هذا الأسبوع)..

وأرسلت لها:
بجي بو فلان ألحين
وصيته يشتري بطانيات ويوصلهم.
افتحوا له الباب.

فردت علي:
( كان حولت وانا اشتري لهم



طيب والشقه ابو فلان بياجرها بعد )

ووصلتهم البطانيات..


وبعدها أرسلت لها هذه الرسالة ردا على رسائل التي أرسلتهم صباح الأمس:

الرابط الذي يربطنا معا هو العيال،
ولذلك يجب أن يكون أسلوب تواصلك معي فيما يخصهم أسلوبا أرقى!


بعدها أرسلت لي هذه الرسائل:
وانا أسلوبي كذا من قهري عليهم
وضعهم مايسر
لو تتفهم احتياجاتهم ماتواصلت معاك أساسا

وخل نخلص هالويكند
اعتقد مره كافي
انتشر خبر طلاقي
اوجعتني كثير
كفايه

فرديت عليها:
وهذا ليس مبرر لهذا الأسلوب غير المقبول،
ولا يوجد مبرر أصلا لاستخدامه بأي حال من الأحوال .

بالنسبة للموعد إذا تم تأكيده سأبلغك به.

وأرسلت هذه الرسائل بعد ذلك وبينها مسافات متفرقة من الوقت:

وين الحب المجنون الي كان قبل شهر
اختفى كله
طلع حكي بس

او يمكن حل مكانه حب جديد
او حتى قديم وتجدد

احاتي عيالي حييل

ابي أتهيأ للوضع نفسيا اذا تعرف مراكز أو دورات تعنى بهالشي تدلني عليها
عشان لعيال بعد كيفيه التعامل معهم وتفهيمهم الوضع للولد مستقبلا
كمكافئه لاخر الخدمه

وطلع للبنت جوال عشان تتواصل معاهم واحظرني مااضمن نفسي 😥


كان في بالي أتراجع عن الطلاق
بس يبدو انك اقتنعت فيه فخلاص

نفسي اتعلَّم منك شي فالنهاية
برودك

بعدها اتصلت علي جوال ولا رديت ،
وأرسلت:
الولد يصيح قلت تكلمه تهديه